مي سليم تطرح أحدث أغانيها بعنوان يا بنتي

طرحت الفنانة المصرية مي سليم أحدث أغانيها بعنوان يا بنتي عبر موقع الفيديوهات الشهير يوتيوب.

تحيا مصر يرصد طرح مي سليم لأجدد أغانيها.

أغنية يا بنتي

الأغنية من كلمات الشاعر محمود عبد الله، وألحان محمدي، وتوزيع أحمد أمين، ومن إنتاج آلاء لاشين، ومن المتوقع أن تحقق نجاح ساحق.

كلمات أغنية يا بنتي

وتقول كلمات الأغنية

عدت الأيام يا بنتي
و الليلادي الكل شافك
وسط فرحه كبيره وانتي
قاعده لابسه توب زفافك
أيوه رايحه لدنيا تانيه
لسه فيها حتبتدي
بس قلبي حيبقي عندك
مهما عني تبعدي

كنت وانا بلعب معاكي
بادعي و ف حضنك بَضُم
إني اشوفك يوم عروسه
زي حلم أي أم
وادي أحلامي ودعايا
شوفتهم بعينيا اهم
فهميني كبرتي إمتي
لأ وقلبك داب و حب
ياللي لسه ما جاش ف عمري
أغلي منك أو أحب
ربنا يهنيكي دايما
باللي تتمنيه يا رب

نمسك الخشب النهارده
هوه فيه حد ف جمالك
لأ وبكره الفرحه تكمل
وبإيديا أشيل عيالك
بالسلامه وبادعي ليكي
طول حياتك تكسبي
عايزه اوصي كمان حبيبك
شيلها ف عينيك والنبي

عدت الأيام يا بنتي
و الليلادي الكل شافك
وسط فرحه كبيره وانتي
قاعده لابسه توب زفافك
أيوه رايحه لدنيا تانيه
لسه فيها حتبتدي
بس قلبي حيبقي عندك
مهما عني تبعدي

تصريحات مي سليم

استضاف الإعلامي عمرو الليثي، في برنامجه "واحد من الناس"، المذاع على شاشة الحياة، الفنانات مي سليم وميس حمدان ودانا حمدان.

وخلال الحلقة تحدثت الفنانة مى سليم،  إن الشغل مع الأستاذ محمد سعد متعة، وهو كوميديان فظيع، وأنا كنت محظوظة بإنى اشتغلت معاه 3 أعمال فنية آخرها اللمبى فى الجاهلية وفيلم محمد حسين.

وتابعت أنه محمد سعد يقف مع كل الناس على خشبة، المسرح بجد إنسان رائع، لافتة إلى أنها سعيدة بكل عمل فني معه