محمد رمضان: جعفر العمدة شبهي في علاقته بأمه.. ومستحيل أتجوز أكتر من واحدة

كشف النجم محمد رمضان عن الصفات التي يتشابه ويختلف فيها مع شخصية جعفر العمدة، وذلك خلال لقائه اليوم ببرنامج مساء دي إم سي مع الإعلامي رامي رضوان.

تحيا مصر يرصد تفاصيل تصريحات محمد رمضان عن جعفر العمدة

الصفات المشتركة بين محمد رمضان وجعفر العمدة

حيث قال محمد رمضان:علاقته بأمه، وأن ازاي كان في شغله مسيطر ومهما كان نفوذ ولكن قدام أمه بيبقى صغير، وبردو هو كتوم ومستحيل تشوف خوفه أو غضبه، ومش بيحسس المحيطين به بكم الضغط اللي عنده.

وتابع: جعفر العمدة ورث كل شيء من أبوه، ومن ضمن الموروثات الخاطئة تعدد الزوجات، ودا بنشوفه بشكل منطقي وبشكل عقلاني، وكل واحدة في الأربعة واخدة حتة كبيرة، فيه واحدة هي أكتر واحدة حبها في المسلسل، وأنا مستحيل أعمل زيه في الحتة دي.

تفاصيل مسلسل جعفر العمدة

ويعرض مسلسل "جعفر العمدة" حصريا على قناة DMC القائمون على العمل 3 بروموهات دعائية خلال اليومين الماضيين، وكشفت هذه البروموهات عن ملامح المسلسل أبرزها اختطاف ابن محمد رمضان كما كشفت عن عائلة جعفر العمدة من والدته وزوجاته وكذلك أشقائه وأقاربه الذين يعيشون فى نفس الحارة.

وهو من تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر، وبطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.

محمد سامي عن سبب نجاحه مع محمد رمضان: بينا توافق ذهني

وفي وقت سابق، قال محمد سامي عن نجاحه مع محمد رمضان، فقال: "فيه بينا توافق ذهني بيخلينا نعرف نركز في العمل  هو ممثل بعرف اكتبله كويس وأعمله حاجة كويسة وأنا المخرج اللي بيعرف يمثل معاه بأريحية أو الطريقة اللي هو حاببها وده واضح من أعمالنا".

وأضاف: بحب الجملة بتاعتي أما بكتبها ومحمد رمضان يقولها هو عنده احساس ومشاعر في طريقة توصيل الجملة سواء كان فيها عاطفة أو عصبية وغضب وهو ممثل استثنائي ومن اكتر المرات اللي كتبت فيها جمل ووصلت للمشاهد وحققت التأثير اللي انا عايزه كانت لمحمد عشان كدة بتبسط أما اشتغل انا وهو وانا بكتب جعفر العمدة كنت بكتبه لمحمد رمضان.