مش عن تعدد الزوجات.. تصريحات محمد سامي عن جعفر العمدة

حل المخرج محمد سامي ضيف على برنامج "مساء dmc"، مع الإعلامي رامي رضوان، وذلك للكشف عن تفاصيل مسلسل "جعفر العمدة"، الذي من المقرر طرحه ضمن سباق مسلسلات رمضان 2023، وفي ذلك الإطار يرصد تحيا مصر أبرز تصريحاته.

أبرز تصريحات محمد سامي عن جعفر العمدة

• عندي عقيدة ثابتة إنه أول الحكاية بطل ولما الشخصية تكون ممثل جامد بيعملها بتضرب في عشرة.
• المسلسل بتاعي المتصدر عنه إن قضيته تعدد الزوجات لكن مش دي القصة.
• قصة البطل بينه وبين نفسه في جرح قديم، وفي حاجة تاني، وفي رحلة البحث عن ابنه.
• جعفر راجل مزواج معلم ابن عز من السيدة زينب وأمه بنت حسب ونسب.
• لراجل ده حصله إن من 19 سنة مراته بتخلف في المستشفى، ومراته التانية في أول سنة حامل.
• مراته التانية في ناس ضربوها في الشارع وسقطوها، وابنه اللي من الاولى اتخطف.
• بعد 19 سنة مانع زوجاته من الخلفة، علشان مش عايز يتوجع تاني.
• هو ميعرفش ابنه ميت ولا عايش، لو ميت هيرتاح وهيعرف يكمل، وجرحه مش بيتنسى.
• المسلسل درامي تشويقي رومانسي، والموضوع الأساسي بين جعفر العمدة وابنه.
• الموضوع مش هو التعدد وده جزء من الحكاية، والطريقة ديه هتكون ممتعة للجمهور.

محمد سامي يتحدث عن نجاحاته مع محمد رمضان

وسبق، وأن تحدث محمد سامي عن نجاحه مع محمد رمضان، فقال: "فيه بينا توافق ذهني بيخلينا نعرف نركز في العمل  هو ممثل بعرف اكتبله كويس وأعمله حاجة كويسة وأنا المخرج اللي بيعرف يمثل معاه بأريحية أو الطريقة اللي هو حاببها وده واضح من أعمالنا".

وتابع: "بحب الجملة بتاعتي أما بكتبها ومحمد رمضان يقولها هو عنده احساس ومشاعر في طريقة توصيل الجملة سواء كان فيها عاطفة أو عصبية وغضب وهو ممثل استثنائي ومن اكتر المرات اللي كتبت فيها جمل ووصلت للمشاهد وحققت التأثير اللي انا عايزه كانت لمحمد عشان كدة بتبسط أما اشتغل انا وهو وانا بكتب جعفر العمدة كنت بكتبه لمحمد رمضان".

أبطال مسلسل جعفر العمدة

مسلسل جعفر العمدة من بطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.