أحمد داش: المسلسلات مع محمد سامي بتبقى ناجحة.. ومش بروج لنفسي على السوشيال ميديا

كشف الفنان الشاب أحمد داش عن تفاصيل كواليس مسلسل جعفر العمدة، مع النجم محمد رمضان، والمخرج محمد سامي، وذلك في حوار له مذاع على الصفحة الرسمية لشركة ميديا هب - سعدي جوهر عبر فيسبوك.

تحيا مصر يرصد تفاصيل تصريحات أحمد داش عن جعفر العمدة

حيث قال داش: اشتغلت مع محمد سامي 3 مرات، الكواليس جميلة، يعني الحمد لله، المسلسلات مع سامي بتبقى ناجحة، وهو مخرج تجاريًا ناجح بشكل كبير، وبيعرف يوصل للناس، وبيديهم الحاجات اللي عايزين يشوفوها وهما قاعدين في بيوتهم، وبيعرف ينجح مع الشارع بشكل كبير.

أحمد داش في جعفر العمدة

وعن محمد رمضان قال: الكواليس مع أي ممثل جامد بتبقى حلوة، والشغل بيطلع جامد، وهو ممثل جامد وبيسمع اللي قدامه، وبيتفاعل على اللي بيشوفه، والشغل معاه ممتع دايما.

كما أكد داش على أنه غير متفاعل على السوشيال ميديا، وقال: أنا مش نشيط خالص على السوشيال ميديا، والناس اللي شغالين معايا بيتخانقوا معايا، وأنا مش بنزل حاجات كتير ومش بروج لنفسي.

تفاصيل مسلسل جعفر العمدة

ويعرض مسلسل "جعفر العمدة" حصريا على قناة DMC القائمون على العمل 3 بروموهات دعائية خلال اليومين الماضيين، وكشفت هذه البروموهات عن ملامح المسلسل أبرزها اختطاف ابن محمد رمضان كما كشفت عن عائلة جعفر العمدة من والدته وزوجاته وكذلك أشقائه وأقاربه الذين يعيشون فى نفس الحارة.

وهو من تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر، وبطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.

محمد رمضان ومحمد سامي

وفي وقت سابق، تحدث النجم محمد رمضان عن علاقته بالمخرج محمد سامي، وذلك خلال لقائه اليوم ببرنامج مساء دي إم سي مع الإعلامي رامي رضوان.

حيث قال رمضان: سامي أخويا، ورب أخ لا تلده أمك، احنا إخوات مهنيًا وعلى المستوى الشخصي بشكل كبير، ومتفاهمين جدا في الشغل، أنا بفهمه بشكل سريع جدا وهو كذلك.

وتابع: وبنستمتع بالشغل مع بعض، وبعيدًا عن أن كيميتنا حلوة وبنعمل شيء احنا بنستمتع بالشغل سوا، وهو بياخد باله من التفاصيل المهمة جدا، واتمنى أن هو يستمتع بالشغل معايا.