كل سنة والملكة المتوجة طيبة.. نجوم الفن يهنئون أمهاتهم بـ عيد الأم

يحل اليوم الموافق 21 من شهر مارس عيد الأم 2023، لذا حرص عدد كبير من نجوم الفن على توجيه رسائل بعضها مؤثر والأخر يعبر عن شدة حبهم لوالدتهم، وفي ذلك الإطار يرصد تحيا مصر أبرزها.

محمد رشاد: تعيشي ليا ويدوم رضاكي

شارك محمد رشاد صورة تجمعه بوالدته عبر حسابها الرسمي بموقع التواصل الإجتماعي “انستجرام”، وعلق عليها: “تعيشي ليا يا حبيبتي يا أمي و يدوم لي رضاكي .. ربنا يبارك لي في عمرك و صحتك يا ست الحبايب و كل عيد أم و إنتي بخير و بصحة إنتي و كل الأمهات يارب”.

شيرين رضا: “أجمل ست شوفتها في حياتي”

ونشرت شيرين رضا صورة لوالدتها التي بدت ملامحها كملامح ابنتها بشكل كبير، وعلقت عليها مهنئة والدتها بعيد الأم، فقالت: “بحبك يماما، عيد ميلاد سعيد لأجمل إمرأة في حياتي”.

بينما كتب عمرو سلامة مشاركا صورة والدته عبرحسابه الرسمي بموقع التواصل الإجتماعي “انستجرام”: “كل سنة والملكة المتوجة طيبة”.

بسنت صيام: يوم واحد مش كفايا أقولك فهيا قد ايه فخورة بسيرتك

بينما كتبت الفنانة الشابة بسنت صيام رسالة لوالدتها قالت فيها: “يوم واحد مش كفاية عشان اقولك قد ايه انا فخورة بسيرتك الحلوة و حب الناس ليكي اللي بتلاحقني مكان ما اروح و مش كفاية عشان اقولك شكراً على الشيلة التقيلة اوى اللي شيلتيها و اللي لسة بتشيليها و مش كفاية عشان احاول اقولك ازاي حياتنا من غيرك مش ممكن تمشي و مش كفاية عشان اوصف قد ايه انتي جميلة شكلاً و قلباً يا أروش أم و أطيب قلب و اكيد مش كفاية عشان اقولك قد ايه انا بحبك ربنا يخليكي لينا يا ست الكل و ميحرمناش من وقفتك جمبنا في الصغيرة قبل الكبيرة و ميحرمناش من ضحكتك الحلوة كل سنة و انتي طيبة”.

بينما كتبت الفنانة فيفي عبده، مرفقة صورة لها رفقة والدتها: “الله يرحمك يا امي مش لاقية كلام اقوله بس عايزة اقولك انتي وحشتيني اوي الله يرحمك يا رب. كل عيد ام و كل الامهات بخير و ربنا يرحم الاموات منهم”.