ناهد السباعي عن شقيقها الراحل: مفتقدة اشوفه.. وماما دايمًا بتقولي اني شبهه

كشفت الفنانة ناهد السباعي عن اشتياقها لشقيقها الراحل وذلك خلال لقائها ببرنامج vip المعروض عبر شاشة قناة هي. 

تحيا مصر يرصد لكم تصريحات ناهد السباعي في برنامج vip 

ناهد السباعي وشقيقها الراحل 

وقالت ناهد: كل حاجة وحشاني في اخويا ومفتقدة اشوفه، تشجيعه ليا في شغلي بفتكره بيه. 

وتابعت: وكلنا كـ ال فريد شوقي بنحب نتجمع ونتقابل ويبقى عندنا صلة رحم، وماما دايمًا بتقول اني شبهه، ولو قدامي دلوقتي هقوله وحشتني جدًا حصلت كتير حلوة كان نفسنا تبقى وسطينا.

تصريحات أخرى لـ ناهد السباعي 

- عملت مشهد بتاع الديت في اكس لارچ، ووانا ماشية في الشارع الاقي حد بيقولي انا بحب البوس اوي.. ليه يا فندم ليه

-وحد يقولي انا عندي ٤ حسنات في ضهري ولما بسمعها بضحك جدًا وبتكسف جدًا لما يبقى معايا حد مش فاهم

- مينفعش انا اطلع عشان اخطاء عملتها سواء في اختياري او ادائي ان انا ارمي مجهود كل الناس دي واطلع اقول اني ندمانة، وده مرفوض

- انا فخورة اني اشتغلت في الفيلم ده مع ناس كنت بحلم اني اشتغل معاهم

- فيلم احكي يا شهرزاد مهم وعايش وخسارة ان رمضان تبرأ منه وحاسس كده

-لو مكنتش فركشت جوازتي كنت هبقى في حياة مش مناسبة ليا وكنت غلطانة وعملت كده متأخر وكان المفروض اعمل كده بدري

-ومحدش بيتعلم ببلاش وبنات كتير بتفكر اننا نقدر نصلح وان نغير حاجات كتير بعد الجواز وده مش حقيقي

-والناس بعد الجواز بتريح أكتر، واستفدت ان البنت لازم تحترم نفسها وتقدر نفسي ولازم يبقى في مقدمات لشكل الدنيا هيبقى عامل ازاي

ناهد السباعي في مسلسل الأجهر

وكانت قد شاركت ناهد السباعي متابعيها البوستر الرسمي لشخصيتها بمسلسل الأجهر المقرر عرضه في رمضان، وذلك عبر حسابها الرسمي بموقع تبادل الصور والفيديوهات الشهير انستجرام. 

وظهرت السباعي في البوستر بمظهر الفتاة البسيطة الشعبية مع طرحة مربوطة على رأسها، وذلك عبر خاصية ستوري بانستجرام. 

ويعرض المسلسل طوال شهر رمضان 2023 على قناتي mbc مصر، وmbc1، كما يعرض مسلسل عمرو سعد أيضا في رمضان 2023 على منصتي شاهد الإلكترونية ومنصة واتش ات الرقمية، كما يعرض أيضا على إحدى القنوات الغير مصرية.