عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

مفرضتش هشام عاشور على الوسط الفني ومعندوش خبرة في التمثيل.. أبرز تصريحات نيللي كريم

نيللي كريم
نيللي كريم

حلت الفنانة نيللي كريم ضيفة على برنامج “أنا والقناع”، الذي تقدمه الإعلامية منى عبد الحميد عبر شاشة قناة الحياة وقناة سي بي سي، والتي كشفت خلاله عدد من التصريحات المثيرة والجريئة، يرصدها تحيا مصر في ذلك التقرير.

أبرز تصريحات نيللي كريم في أنا والقناع

  • بحب شيماء سيف حد كوميدي وقلبه حلو وبيضحك للدنيا ودايما بشوش ونفسيته حلوة فكلنا محتاجين نكون كدة
  • مقتنعة ان بنتي تشتغل ومن صغرها عشان لازم تعرف إن الفلوس مش بتيجي بالساهل بدل ما تقعد على التليفون اي المشكلة ان ساعتين لازم يحسو بالتعب.
  • المشاعر لو مش صادقة مش هتتأثري بيها والاحساس الحقيقي هو اللي الناس بتتأثر بيه.
  • في أعمال بترهقني جدا وبقعد فترة عقبال ما أخرج منها واتصابت باكتئاب بعد ذاته وكنت بصوره في ظروف صعبة والشخصية تعبتني.
  • مفيش شخصية عملتها سهلة وكلها بتكون مركبة وفي مشاعر كتير وعمق درامي معين ويوم بعد يوم الدوربيدخل وبتقدي شوية لحد ما ترجعي لنفسك.
  • اي حاجة تخص عيلتي بكون حريصة زيادة عن اللزوم عشان بحبهم أوي فبخاف عليهم أوي.
  • مش ببص على مساحتي في الدور وبحب المخرج يكون مسيطر ودايمًا بشتغل مع مخرجين أقوياء.
  • اتعرضت لانتقادات في بدايتي بس مكنتش بتهز ومعنديش مشكلة ان الصحفي يقول رأيه لكن مبحبش الانتقادات.
  • شخصية سكر اتمنى ترجع تاني عشان حباها وحباني ومبهجة.
  • مبحبش اتكلم كتير او أحط صور كتير على السوشيال الا أما اكون متأكدة منها.
  • مقدرش افرض حد على الوسط الفني وهو كان عارف ان المسلسل بتاعي انا عملت معاه مسلسل روز وليلى وهو راح عمل أوديشن مع المخرج وأنا مكنتش عارفة.
  • متضايقتش ولا أزعجني إنهم قالوا ان دخلت هشام عاشور التمثيل أنا مش بخاف من الهجوم لأن في بدايتي اتهاجمت.
  • هشام ممثل كويس بس معندهوش خبرة، ودايما بناخد الخبرة بكثر الأعمال.

نيللي كريم في رمضان 2023

من ناحية أخرى يعرض لـ نيللي كريم خلال الفترة الحالية مسلسل “عملة نادرة”، التي تدور أحداثه حول صراع نيللي كريم مع عائلة زوجها بعد وفاته وترفض الاستسلام لحرمانها من الميراث، وتخوض حربًا من أجل الحصول على حقوقها، ومن المقرر أن يحقق العمل نجاحات كبيرة خلال فترة عرضه على شاشة قنوات سي بي سي، ومنصة شاهد الإلكترونية وأيضا منصة واتش ات الرقمية.

تابع موقع تحيا مصر علي