بيومي فؤاد: محمد السبكي خدعني وجاب محمود حميدة يمثل مكاني ومش عندي أجر ثابت

حل الفنان بيومي فؤاد ضيفًا على برنامج أنا والقناع والذي يعرض عبر قناة الحياة، وكشف بيومي العديد من الأسرار في حياته الشخصيى، كما هاجم المخرج المنتج محمد السبكي

تحيا مصر يرصد لكم تصريحات بيومي فؤاد

وقال بيومي فؤاد: السبكي خدعني، واديتله فيلم بتاعي وكان في ناس جامدين جدا عاوزين ينتجولي وأنا فضلت مع محمد السبكي ورحت وديتهوله وبعد كده جاب المؤلفين ومضاهم واداهم فلوس قليلة وانا دفعتلهم فلوس من جيبي.. وبعد دا كله جاب محمود حميدة يمثل مكاني.

وكشف أن الفيلم اسمه مطرح ما تروح، وسيتم عرضه في دور السينما في عيد الفطر المبارك، وأوضح: لما سمعت الخبر ضغط عيني ارتفع ووصل 50 وكادت تنفجر، وكان الطبيب عايز يعملي جراحة في الحال.

بيومي فؤاد يهاجم محمد السبكي

وتابع بيومي فؤاد عن محمد السبكي: ولا أستاذ ولا بتاع، مشيرا إلى أنه لم يعاتب المنتج حتى الآن لكن كل ما يريد قوله هو «حسبي الله ونعم الوكيل».

كما كشف بيومي فؤاد أنه سيقلل المشاركة في أعمالة الفنية خلال الفترة المقبلة، خاضةً بعد عيد الفطر المبارك، وأوضح أن هناك الكثير من يقولون إن بيومي فؤاد يعمل كثيرًا لأنه ظهر في عمر متقدم ويريد أن يدخر الأموال لأبنائه ولكن هذا غير صحيح بالمرة.

بيومي فؤاد: مش عندي أجر ثابت في الدراما والسينما

قال الفنان بيومي فؤاد، إن ليس له أجر ثابت في الدراما والسينما، وأوضح: أنا ممكن نفس شركة الإنتاج تديني 1000 جنيه في السنة، والسنة اللي بعدها نفس شركة الإنتاج تديني 800 جنيه، واللي بعدها 700 جنيه ومكنتش بدقق.

وأضاف: دا مكنش بيضايقني، لأن الشيخ الشعراوي قال أما حد يظلمك وأما ربنا يديك أوعى ترجع تنتقم، أقف استمتع بانتقام ربنا، وعمري أما حد ظلمني جيت عليه.

وتابع: أنا باخد فلوس في بلدي أكثر بكتير من اللي باخدها برا، ودا لأننا 110 ملايين نسمة، وأما بروح برا بيقولولي إحنا مش قدكم ومش هتنفع تاخد الأجر اللي بتاخده في مصر.

بيومي فؤاد: السقا نمر وان في الأكشن

كما تحدث بيومي فؤاد عن أحمد السقا وقال: أحمد السقا هو نمر وان في الأكشن، وسيبقى السقا نمبر وأن ولكنه هو رقم واحد في الأكشن في مصر.