محمد رجب: أنا نجم سينما وأما نزلت دراما في توقيت ميت نجحت ومعنديش دور شبه التاني

حل الفنان محمد رجب ضيف على برنامج “حبر سري”، الذي تقدمه الإعلامية أسما ابراهيم على شاشة قناة القاهرة والناس، والتي كشف به عن اعتزازه بنفسه وأعماله الفنية.

تحيا مصر يرصد في ذلك التقرير تصريحات محمد رجب في حبر سري

محمد رجب: أنا نجم سينما وبعتبر الدراما مهنة تانية خالص

وقال محمد رجب خلال البرنامج: أنا نجم سينما وبعتبر الدراما مهنة تانية خالص وكنت بخاف أدخلها الأول ودخلت وبعدها وقفت وبعد كدة بقى  كل سنة بقى عندي مسلسل من 2018، بعد ما كلمني مخرج وقالي ايه رأيك تجهزلي حاجة للسيزون وقابلت أحمد عبد الفتاح واخترت الأخ الكبير، وبقيت مقرر إن هنزل في الأوف سيزون  ومبكترسش ان هي تبقى بنجم رمضان ولا أوف سيزون، أنا راضي رضا كامل على هذا النجاح، التوقيت ده كان توقيت ميت نزلت فيه نجحت، وحقق ايرادات كويسة كإعلانات فاتثبت فيه".

محمد رجب: أنا معنديش دور شبه التاني وأفلامي تشهد

وعن تكرار أدواره الفنية، قال محمد رجب: “أنا عملت 12 فيلم كنت بتضرب فيهم، ومعنديش فيلم شبه التاني ومفيش دور بلعبه بيكون فيه شبه التاني ، أنا معنديش وزن شبه التاني وأفلامي تقول إن أخر واحد في الدنيا بيقرر أدواره”.

محمد رجب: ظهوري في أدوار الشر كان ناتج عن اعتذرات ناس ومكنتش بقدر أستحمل رد فعل الجمهور عليا

وأعرب محمد رجب عن انحساره في أدوار الشر فقال: “جالي في البداية كذا دور كنت فيه شرير وعنيف، لدرجة ان الناس بقوا يكرهوني وكل أما انجح اكتر كل أما كانوا يكرهوني أكتر، لحد ما عملت الباشا تلميذ وكنت بسمع شتيمتي من الناس في السينما لحد اللحظة الأخيره في الفيلم أما ساعدت كريم عبد العزيز والناس كلها سقفت اللحظة دي كانت بريق الأمل أن الناس تتقبلني في حاجات تانية تعبت جدا ومكانش بيجيلي شغل، لحد مسلسل مع يسرا وكان دوري لا يتعدى الـ 6 حلقات لكن يسرا طلبت إني أكون معاها لأخر المسلسل ومن هنا بقيت محمد رجب”.

وعن عمله كـ كومبارس، قال محمد رجب: “في ناس معندهاش أدمية كنت دارس ومتعلم ومعايا شهادة مهندس ديكور بس كنت بنكر ده عشان أشتغل كومبارس، وكنت بهرب من أهلي وبتنكر، عيشت تجارب سيئة وومكنش في أسوأ من تجربة بيكيا، وكان مرتبي وقتها 20 جنيه فقط”.

محمد رجب: زعلت على عدم نجاح بيكيا 

وعن فكرة فيلم بيكيا، فقال محمد رجب: “كنت متسوحيها من المستشفى وقت ما بابا كان موجود فيها، والفيلم مخدتش فرصته إنه يكون موجود في السينما وأنا وقتها استسلمت استسلام قابل، ونمت وقولت ان الله لا يضيع أجر من أحسن عملا، وجالي مكالمة من حسام شوقي وروحت مضيت معاه 3 مسلسلات وكل مسلسل نجح نجاح أقوى من التاني، كان طوق نجاة للحياة من جديد”.