عبير صبري: عدم إنجاب طفل نعمة وأنا محسودة ونجمي خفيف

كشفت الفنانة عبير صبري عن أسرار في حياتها الشخصية، وذلك خلال لقائها في برنامج حبر سري، والتي تقدمه الإعلامية أسما إبراهيم.

تحيا مصر يرصد لكم تصريحات عبير صبري

وقالت عبير صبري: في عمل نفسي اشيله في تاريخي وهو فيلم فلاح في الكونجرس، ووافقت عليه عشان كنت مطلوبة جدًا في السينما وشعبان عبد الرحيم كان ظاهرة .

عبير صبري: فكرت اجمد بويضاتي لكن خوفت

كما كشفت عبير صبري عن سبب عدم تجميد بويضاتها وقالت:  فكرت مرة أجمد بويضاتي قبل من سنين بس خوفت وممشيتش في الخطوة دي وكان وقت مكنتش متجوزة.

وتابعت: وكان عندي شعور اني مش هعرف اخد الخطوة دي وفكرت في وقتها وقولت هعملها لما اتجوز ومكملتش ومش ندمانه إني معملتش كده

عبير صبري: عدم إنجاب طفل نعمة 

وكشفت عبير صبري: عد الخلفة نعمة زي ما الخلفة نعمة لأن ربنا عارف انتي هتتحملي ايه، وفكرت اتبنى طفل بس المحيطين بيا خوفوني وقالولي لما يكبر متعرفيش الطفل هيتعامل ازاي من ناحيتك.

عبير صبري: أنا محسودة ونجمي خفيف والناس لما بتبصلي بتحسد

كما كشفت عبير صبري أنها معرضة للحسد وقالت: أنا محسودة ونجمي خفيف والناس لما بتبصلي بتحسد، بس لو معمولي عمل هتوجه لربنا مش لدجال ومفيش حد هيأذي حد إلا بأمر ربنا ولو اتاذيت يبقى قدر ربنا ولو متأذتيش يبقى حماية ربنا ليا.

عبير صبري: بعد خلعي الحجاب خدت قرار أن في مشاهد مش هعملها

كما تحدثت عبير صبري عن رفضه يوسف الشريف التلامس وهي الأخر رفضها للتلامس وقالت:  يوسف الشريف ضد التلامس هو حر ودي وجهة نظرة ومينفعش نحاكم الناس.

وتابعت: من قبل الجواز وبعد خلعي للحجاب وأنا عندي قرارات أن في أعمال ومشاهد أنا مش عايزة أعملها، وبدأت أحس إني أقدر أخد قراراتي وبختار العمل الفني اللي متفق معايا وزمان مكنش عندي قدرة أقول لا ومكنتش فاهمة

وأضافت: أنا مش بتكلم في الدين بس كل واحد في مهنته بيقابل حاجات حلال وحرام والفن مش حرام لأنه الجمال والخيال والأبداع والوقت الجميل اللي بتتفرجي على فيلم جميل. 

وكشفت عبير صبري عن المخرج التي تتمنى أن تشارك معه في عمل وقالت: بتمنى داوود عبد السميع يشوفني واشتغل معاه وهو هو مثالي ومبدع وبيقدم فن ليه فلسفة وليه جمهور كبير جدًا وبتمنى ربنا يحققلي الأمنية دي وابقى إحدى بطلاته.

مسلسل جميلة

وتشارك الفنانة عبير صبري في السباق الرمضاني الحالي بمسلسل جميلة، والذي يضم عدد كبير من نجوم الفن ومنهم: ريهام حجاج، عبير صبرى، سوسن بدر، يسرا اللوزى وعبير صبرى، أحمد وفيق، هانى عادل، هشام إسماعيل، نبيل عيسى، ياسر على ماهر، عبير منير، رحمة حسن، ريم سامى، رحاب حسين، والعمل تأليف أيمن سلامة وإخراج سامح عبد العزيز وإنتاج شركة العدل جروب للمنتج جمال العدل، 

ويعرض مسلس جميلة على قناة cbc الساعة 6.15 مساء والإعادة الساعة 8.30 صباحًا، وتعرض على قناة cbc دراما الساعة 7.30 مساء والاعادة الساعة 1.45 صباحاً والساعة 6.45 صباحاً والساعة 1 ظهراً.

كما تعرض الحلقة على قناة ON الساعة 11.30 مساء والاعادة الساعة 5 صباحاً، وعلى قناة on دراما الساعة 8.45 مساء والاعادة الساعة 12.30 صباحاً والساعة 11.45 صباحاً، وعلى قناة الحياة الساعة  1:15 صباحاً، والإعادة الساعة 6:45 صباحاً، بجانب العرض على منصة watch it الساعة 6.30 مساء.