محمد مختار: نادية الجندي الحصان الرابح في كل أعمالي وياسمين عبد العزيز تستحق لقب نجمة الجماهير السنادي

كشف المنتج محمد مختار أسرار في حياته الشخصية، كما تحدث عن المنتج احمد السبكي، وكشف مختار عن نجمة الجماهير في العام الحالي.

تحيا مصر يرصد لكم تصريحات محمد مختار

وقال محمد مختار خلال استضافته في برنامج حبر سري والتي تقدمه الإعلامية أسما إبراهيم: السنة اللي فاتت كانت منة شلبي كانت تستحق لقب نجمة الجماهير، واللي قبلها منى زكي،  ياسمين عبد العزيز تستحق لقب نجمة الجماهير السنادي، و في العالم الأفلام اللي بتتعمل للستات قليلة والسينما في مصر والعالم قليلة.

محمد مختار: محمد السبكي تاجر شاطر

كما تحدث عن المنتج محمد السبكي وقال: خلطة السبكي ولو بعرف اعملها كنت هعملها الراجل ده كان بيشتغل السينما بفلوسه  وأنا كان عندي استعداد اشتغل مساعد عنده والسبكي تاجر شاطر.

وأضاف: أنا كنت شاطر في اختيار الأفلام وبختار نجمة واحدة وبيبقى معايا نجوم كتير، وأنا انتجاتي ضخمة وإيراداتي ضخمة زي قضية في أمن دولة خمس بلاد في أوروبا مهما جاب ايرادات مش هيكفي اللي صرفته.

كما تحدث محمد المتخار عن نادية الجندي والصداقة التي تجمعهم بعد انفصالهم وققال: نادية الجندي كنا متزوجين وبعد ما انفصلنا بقينا صحاب جدًا وياريت لما اتجوزنا كنا صحاب كده.

كما كشف عن موقف جمعه بالفنان ممدوح عبد الحليم وقال: ممدوح عبد الحليم قبل ما يتوفى بتلت دقايق قالي عايز أخد رأيك في حاجة أنا معروض عليا ليالي الحلمية قولتله شوف الورق قالي أنا عايز أصورهولك وأنا سلمت عليه ومشيت بعد ربع ساعة المدرب قالي أن هو مات.

محمد مختار: مسلسل سكر زيادة أوحش مسلسل ممكن تشوفيه في حياتك 

كما كشف محمد مختار عن رأيه في مسلسل سكر زيادة وقال: مسلسل سكر زيادة أوحش مسلسل ممكن تشوفيه في حياتك ونادية الجندي ونبيلة عبيد راحوا في داهية، وحصل خلافات بين نادية ونبيلة عبيد.

محمد مختار: نادية الجندي الحصان الرابح في كل أعمالي 

وعن سبب اختيار نادية الجندي بطلة لكل أعماله قال محمد مختار: أنا عملت 9 أفلام بره مصر والكاست بتاعي تقريبًا هو هو وكان في ناس كتير بتقول اشمعنا نادية الجندي،  ونادية حصان رابح ومكنتش بغير، وابقى مجنون لو كنت جبت بطلة تانية لأفلامي بدل نادية الجندي، وليه أجيب واحدة توقعني .

وكشف: أنا بموت في نادية الجندي ولغاية دلوقتي علاقتنا من بعد انفصالنا أقوى من لما كنا مرتبطين، ونادية الجندي ملهاش مثيل في الستات