محمد مختار: رانيا يوسف اتعرفت بعد ارتباطها بيا ودخلت الإنتاج عشان خاطر عيون نادية الجندي

وجه المنتج محمد مختار اعتذارًا إلى الفنانة نادية الجندي، وذلك بعد تصريحات رانيا يوسف بأنها كانت السبب وراء طلاقهما، كما تحدث عن بناته وطليقته رانيا يوسف.

تحيا مصر يرصد لكم تصريحات محمد مختار

وقال محمد مختار خلال استضافته في برنامج حبر سري والتي تقدمه الإعلامية أسما إبراهيم،  والذي يعرض عبر قناة القاهرة والناس: أنا جاي ببرء ذمة نادية من اللي اتقال عليها من رانيا يوسف والست دي اتظلمت بسببي وعيب اللي حصل.

محمد مختار: نادية الجندي اللي خلتني منتج

وأضاف: أنا عمري ما كان ليا شريك في حياتي، نادية الجندي السب أن هي خلتني منتج وأنا استفدت منها ومش عيب أقول كده.

محمد مختار: دخلت الإنتاج عشان خاطر عيون نادية الجندي

وتابع: اتقابلت مع نادية في نادي الجزيرة ومكنتش أعرف هي مين، وشوفت نادية وهي بتنتج وباظت الحكاية منها والست لوحدها في الانتاج بتتاكل وكان معايا وقتها 50 ألف جنيه ودخلت الإنتاج عشان خاطر عيون نادية الجندي.

كما وجه لها اعتذار وقال: انا بعتذرلك وأرجوكي تكوني سامحتيني على اللي حصل وأنا السبب وهننسى كل اللي حصل.

محمد مختار: رانيا يوسف اتعرفت لما ارتبطت بيا

وكشف: أنا لما عرفت نادية الجندي بقى محمد مختار حاجة معروفة جدًا وأعتقد لما رانيا يوسف ارتبطت بواحد زيي اتعرفت في السوق، ومكنش حد يعرفها.

وكشف محمد مختار: زعلت جدًا لما بنتي لبست فستان البطانة ومقدرتش افتح بوقي معاها لأن الأب فلوس وبس.

كما تحدث عن عدم إنتاجه لرانيا يوسف وتفضيل الإنتاج لنادية الجندي وقال: لما عرفت رانيا كانت بتبدأ خطواتها الأولى ونادية الجندي كانت فرس بيجري بسرعة الصاروخ ولو كنت حطيت رانيا في مقارنة مع نادية كانت ضاعت.

محمد مختار: زوج رانيا يوسف الثاني مسجل خطر وعليه أحكام

وتحدث محمد مختار عن زوج رانيا يوسف الثاني وقال: زوج رانيا يوسف التاني كان مسجل خطر وعليه أحكام ولما نصحتها وقولتها ده بيضحك عليكي ومش معاه فلوس أغمى عليها، ولما   حطلها مخدرات في العربية اتصلت بيا وقتها وروحت للمحامي بتاعها.

محمد مختار: محمد السبكي تاجر شاطر

وتحدث المنتج محمد مختار في الجزء الأول من حلقته في برنامج حبر سري عن المنتج محمد السبكي وقال: خلطة السبكي ولو بعرف اعملها كنت هعملها الراجل ده كان بيشتغل السينما بفلوسه  وأنا كان عندي استعداد اشتغل مساعد عنده والسبكي تاجر شاطر.

وتابع: أنا كنت شاطر في اختيار الأفلام وبختار نجمة واحدة وبيبقى معايا نجوم كتير، وأنا انتجاتي ضخمة وإيراداتي ضخمة زي قضية في أمن دولة خمس بلاد في أوروبا مهما جاب ايرادات مش هيكفي اللي صرفته.