بعد حلقته ببرنامج حبر سري.. رانيا يوسف لـ طليقها محمد مختار: طول عمرك ممثل فاشل

حرصت الفنانة رانيا يوسف الرد على تصريحات طليقها المنتج محمد مختار في برنامج حبر سري حول قيامه بتحمل مصاريف بناته، وإثباته لذلك بالمستندات.

تحيا مصر يرصد تفاصيل رد رانيا يوسف على تصريحات محمد مختار

وعلقت رانيا على مقطع فيديو لطليقها منشور عبر الحساب الشخصي للمذيعة أسما إبراهيم على إنستجرام، وقالت: الحقيقة أنا مقامي أكبر من أن الواحد يرد على واحد زيك، لطيف أن الواحد يكذب ويصدق نفسه، طول عمرك ممثل فاشل، واللي بعتاك تقول الكلام ده أفشل منك.

محمد مختار يرد على اتهامات رانيا يوسف بعدم صرفه على بناته

وسبق وأن رد مختار على اتهامات رانيا يوسف بعد صرفه على بناته وقال: هي قالت إني مش بصرف على بناتي وأنا معايا ورق رسمي، والتجريح من رانيا يوسف بقى زيادة شوية وكل الكلام اللي قالته غلط، وببعت لرانيا يوسف كل شهر 15 ألف جنيه لأكل وشرب بناتي و800 ألف للتعليم بس.

وأضاف: كل اللي اتطلب مني في دفعه أنا دفعت وقبل القضايا وبعد القضايا وبحولها فلوس كل شهر، وعملنا بند عن المحامي فريد الديب أننا منتكلمش عن حياتنا الشخصية، وأنا اتقال عليا كتير وعمري ما فتحت بوقي، وجاي أرد على اللي هي قالته.

وتابع: الأب دلوقتي بعد القوانين الجديدة ملهوش أي لازمة وفلوس بس وولادي طلعوا من مدرسة ودخلوا مدرسة تانية وأنا مكنتش أعرف.

رانيا يوسف وبناتها

وفي وقت سابق، تحدثت الفنانة رانيا يوسف عن علاقتها ببناتها، وذلك خلال حوارها اليوم ببرنامج حبر سري مع الإعلامية أسما إبراهيم.

حيث قالت رانيا: التبزير صفة وحشة فيا ومحبش بناتي ياخدوها مني، وحسن النية في الناس شديد، بصدق الناس لأني مش بكذب، وأحب بناني يبقوا جرأة، ودي أحسن حاجة فيا، أنا بعمل زي ما أنا عايزة مش زي ما الناس عايزة.

وتابعت: أنا كبرت من المسئولية، مسئولية أنك تربي بنتين لوحدك في الحياة صعب ومش سهل، وسن المراهقة كان كارثة بالنسبالي.

وأضافت: هبقى حمى قمر، واللي يقرب من بناتي أكله، وأهم حاجة يسعدها ويراعي ربنا فيها ومش مهم يبقى معاه فلوس بس ميستغلهاش.. وبناتي اتبرعلهم بقرنيتي وكليتي وقلبي وكل حاجة، وهما أغلى من أي حاجة وعايشة عشانهم، الشوف مش بالعينين الشوف بالقلب والاحساس.