عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

تامر حبيب: بحب الرقص الشرقي جدًا ومش هكتب لمحمد رمضان لهذا السبب

تامر حبيب
تامر حبيب

كشف السيناريست تامر حبيب عن سبب رفضه الكتابة للفنان محمد رمضان، كما تحدث عن حبه الشديد للرقص الشرقي، وتحدث عن الفنانة دينا الشربيني والهضبة عمرو دياب.

تحيا مصر يرصد لكم تصريحات تامر حبيب

وقال تامر حبيب في برنامج حبر سري: مش هكتب لمحمد رمضان النوع اللي بيعمله في أعماله لأني معرفش أعمله ومش حابب.

تامر حبيب: عمرو دياب وعادل إمام ظاهرتين في تاريخ الفن

وكشف تامر حبيب: كنت بحضر لـ 3 أعمال مع عمرو دياب لكن مكملوش لأن عمرو عنده حسابات تانية وهو من أذكى الفنانين اللي بيتعاملوا مع موهبتهم ودايمًا بتعلم منه لأنه رقم واحد وعمره ما يكون رقم 2.

وتابع تامر حبيب: عمرو دياب وعادل إمام ظاهرتين في تاريخ الفن طلعوا منزلوش ومش هينزلوا تاني أبدًا.

وكشف: والانفصال بين عمرو دياب ودينا الشربيني كان بشكل محترم جدًا وعمرو دياب مغلطش في دينا ولا دينا غلطت فيه والعلاقة بينهم محترمة.

وتحدث عن علاقته بالفنانة منة شلبي وقال: أنا بحب منة شلبي جدًا ومفيش بينا علاقة عاطفية، ومنة شلبي اللي جابت كفن أمي ووقفت على غسل أمي.

تامر حبيب: بحب الرقص الشرقي جدًا

وتحدث عن حبه للرقص وقال تامر حبيب: أنا أطول إبقى زي فيفي عبده وبحب الرقص الشرقي جدًا وبحب أتفرج عليه ومن أسعد أيام حياتي لما عملت برنامج الراقصات.

وعن سبب عدم كتابته للأفلام الكومدية قال: احنا شعب دمه خفيف لو مضحكنهمش ملناش لازمة ونسكت أحسن ولو عندي شجاعة أضحك المصريين هعمل كوميدي، ومش هعمل أكشن خالص أنا بحب العلاقات الإنسانية.

وتحدث عن مسلسل سهر الليالي وقال: مش عندي ولا فيلم منجحش وبقيت أغير من فيلم سهر الليالي ووحيد حامد قالي طظ في سهر الليالي أنت اللي عملته مش هو اللي عملك.

تامر حبيب: اتربيت في بيت رجاء الجداوي

وتحدث عن علاقته بالفنانة رجاء الجداوي وقال: تامر وحبيب: بصحى الصبح بقرأ الأدعية بتاعتي وبقرأ الفاتحة لدلال عبد العزيز وسمير غانم ورجاء الجداوي.

وتابع: رجاء الجداوي هي بمثابة الساحرة الطيبة وكانت بتفتحلي أبواب الفن وزوجها كان أبويا التاني واتربيت في بيتهم.

وكشف تامر حبيب: مش عايز أسمع كلمة بابا، لأن أنا خايف أعمل بني أدم لأن دي مسئولية صعبة وفي ناس بتخلف وترمي.

وأوضح: سيبت بيت أمي بعد وفاتها ووجبت بيت جديد ومستحملتش أعيش معاها ومش قادر أدخله وبيعته

وجه رسالة لوالده وقال: بقول لأبويا حقك عليا لأن أنا مفهمتهوش غير لما مات وكان عندي شك أنه مش بيحبني وعرفت بعد ما توفى من وصية كان كاتبها أنه مش بيعرف يعبر عن مشاعره.

وكان قد تحدث تامر حبيب عن وفاة والدته، وتأثره بعد وفاتها، كما أوضح أنه يمر بحالة نفسية سيئة من بعد وفاتها، وقال تامر حبيب في الجزء الأول من الحلقة: أنا عندي أزمة نفسية شديدة من بعد وفاة أمي وفقدت الشغف، وحالي يغم من بعد أمي وكان في خيالي أن يوم ما أمي تموت أنا كمان همشي وايقنت أن ربنا زي ما بيدي ابتلاء بيدي بروفين معاه يسكنك.

وأضاف: وحاسس أن هي حواليا في كل حتة وبحس أن هي موجودة وبقعد أكلمها، والسنادي نسيت ذكرى وفاتها ومحستش بتأنيب الضمير لأن الحياة لازم تمشي.

كما وجه رسالة لوالدته وقال: بقول لأمي أنا رجعت أصلي وانتظمت في الصلاة وتجاه القبلة صورتها.

تابع موقع تحيا مصر علي