شيرين رضا: جوزاتي وبنتي علموني كل حاجة والقطط والكلاب بيحبوا من غير سبب على عكس البشر

حلت الفنانة شيرين رضا ضيفة على برنامج أنا والقناع التي تقدمه الإعلامية منى عبد الوهاب، وتحدثت عن بعض الأمور والأسرار في حياتها الشخصية.

تحيا مصر يرصد لكم تصريحات شيرين رضا

وقالت الفنانة شيرين رضا: اللي يستاهل يفضل في حياتي، الناس اللي مرتاحة معاهم، ومش بحس بالتمثيل معاهم وأفكر قبل ما اتكلم.

شيرين رضا: الكلاب والقطط بيحبوا من غير سبب أما البشر بيحبوا لأسباب

وأضافت شيرين رضا: بلاقي في حيواناتي الحب والكلاب والقطط بيحبوا من غير سبب، أما البشر بيحبوا لاسباب كتير.

وكشفت شيرين رضا، بأنها مقصرة في حق نفسها، قائلة: "أنا مقصرة في حق نفسي ومش بدي نفسي حب كافي، وبحاول أعمل المفيد ومش بحب المرايات".

واضافت شيرين رضا: الحاجات اللي تتصدق من 20 سنة، مش هي دلوقتي، والتكنولوجيا والعمر والتجربة بيغيروا قناعتنا ولو مغيرتش تتكسر.

وتابعت: احنا بنغلط، ومفيش مجتمع كامل، وجزء من حلاوة الحياة أننا بنغلط فيها، والتجربة تعلمك والتعاسة تعلم السعادة ومتعة الرحلة في الرحلة وما نتعلمه منها".

وأكدت النجمة شيرين رضا، أن انتصارها هو بمثابة انتصار لحرية المرأة، وإقرار بكامل الحرية التي تتمناها كل امرأة، مضيفة: "كل واحدة فينا ممكن يبقى عندها كامل الحرية التي تتمناها، وتنتصر على رؤية الناس للست، وانك ممكن يكون عندك حرية ولا تستخدميها".

شيرين رضا: جوزاتي وبنتي علموني كل حاجة

وتابعت: "جوازتي وبنتي علموني كل حاجة وخلوني اعرف اكون مسئولة ومش كل الناس تعرف تكون مسئولة وفي ناس بعد خطوتين تلاتة تنهار واللي حصلي في حياتي علمني، ومش لذيذ أن عقل الست يتخدر لأي سبب حتى لو بتحبي بني ادم لازم يكون العقل شغال لان العقل يحمي المرأة وكمان الراجل".

شيرين رضا: مفقدة أحمد زكي جدًا

وتحدث النجمة شيرين رضا، عن افتقادها الشديد للفنان الراحل أحمد زكي والجلوس معه، قائلة: "افتقدت أحمد زكي ووحشني قوي، وكنا أصحاب، وكنت بحب أروح أقعد معاه ونتكلم مع بعض".

وأضافت شيرين رضا: مرة رحت أقعد معاها وزرته في البيت، وكنا هنتغدى ونتفرج على فيلم السادات والفيلم طويل، وهو مهتم جدا بكل تفصيله عملها وقعدنا نتفرج على الفيلم 6 ساعات وكل شويه يوقف ويشرح كل مشهد وكان بيحب اللي بيعمله وكنت علطول معاه في الاخر