هالة صدقي: نجاح شخصية صفصف بسبب محمد سامي ولو سني أصغر كنت اخترت دور وداد

تحدثت الفنانة هالة صدقي عن كواليس مسلسل جعفر العمدة، كما تحدثت عن تعاونها مع المخرد محمد سامي ، ونجاح شخصية صفصف.

تحيا مصر يرصد لكم تصريحات هالة صدقي

وقالت هالة صدقي خلال استضافتها في برنامج معكم والتي تقدمه الإعلامية منى الشاذلي وقالت: نجاح غير عادي وأنا مخضوضة مع إني لسه مخرجتش وسط الناس لكن شوفته على السوشيال ميديا، و أنا فرحانة بس مش فرحانة أنا ست كئيبة بطبعي لأني بسأل انتي هتعملي إيه بعد كده.

هالة صدقي:  نجاح شخصية صفصف كان بسبب محمد سامي

وكشفت هالة صدقي: كان في كيميا عظيمة بيني وبين محمد رمضان وحلو لما يبقى الاتنين ممثلين وهو ممثل وشاطر وموهوب ولما احنا الاتنين مع بعض بنبقى شغالين على خط واحد وسامي معانا احنا التلاتة طلعنا مشاهد أكثر من رائعة،  نجاح شخصية صفصف كان بسبب محمد سامي.

هالة صدقي: كاتب مهم كلمني بعد خامس حلقة وقالي مش عارف أكتب عنك حاجة وقعدت أعيط

وكشفت عم موقف تعرضت له وقالت: بعد عرض الحلقة الخمسة جالي مكلمتين مهمين من ناس واتقالي كلام حلو قلقني وفي كاتب مهم قالي مسكت القلم عشان اكتب معرفتش أكتب عنك إيه وكنا في خامس حلقة وقعدت أعيط وأقول طيب أنا هعمل إيه بعد كده

وكشفت هالة صدقي عن الدور التي كانت تتمنى تقديمه: أنا لو أصغر 20 سنة وجالي اختيار هختار دور وداد لأنه دور عظيم وفيه تغيرات كتير وفيه شغل ممثل  وقولت لسامي ده أكتر دور عاجبني في المسلسل.

وأوضحت هالة صدقي: جالي مكالمات تهنئة بعد ما جعفر العمدة خد براءة، و كنت مراقبة محمد سامي وعايزة اعرف ليه الممثلين يبقوا في احسن حالتهم معاه وأنا قولتله أنا موافقة وكان الدور لسه مجرد فكرة.

وكشفت عن عرض محمد سامي الدور عليها وقالت هالة صدقي: محمد سامي كلمني في الصيف وقالي أنا قاعد بفكر في شخصية ومش شايف حد خالص غير انتي وأنا لسه مكتبش هو أم لولدين كبار في السن ومش في سن رمضان ورمضان راجل كبير داخل في الخمسين والتاني اكبر منه وقولته أنا مش عندي مشكلة.

هالة صدقي: كنت بحط مكياج عشان يأكد على التعجيز

وتابعت: مكنتش عاملة مكياج تعجيزي في جعفر العمدة وكان مجرد تأكيد على التعجيز لأن أنا عندي خطوط وكنت بأكد عليها أكتر.

وكشف، هالة صدقي: الدور مكنتش كبير وكنت بقول مش ده اللي عايزة أعمله ومحمد سامي قالي ثقي فيا ولما أجيبك أكيد مش هضحي بيكي وهستفيد منك، و محمد سامي كان واثق في نجاح شخصية صفصف وقالي أنا عارف هيحصل إيه وصفصف هتعمل إيه وهو الوحيد اللي كان شايف كده.