هالة صدقي: رفعة الشبشب لياقة بدنية وإيمان العاصي كانت بتتخض مني وكان في غيرة وخلافات على التتر

تحدث الفنانة هالة صدقي عن كواليس مسلسل جعفر العمدة، وعلاقتها بأبطال العمل، كما تحدثت هالة عن دورها في مسلسل سره الباتع.

تحيا مصر يرصد لكم تصريحات هالة صدقي

وقالت هالة صدقي خلال لقائها في برنامج معكم التي تقدمه الإعلامية منى الشاذلي: بشكر محمد سامي من قلبي لأنه قدرني وقدر يشيل قشرة كانت موجودة واتشالت وظهرت هالة صدقي من تاني.

هالة صدقي: لو كان ليا دور كامل في سره الباتع كنت هاخد أحسن ممثلة

وتحدثت الفنانة هالة صدقي عن دورها في مسلسل سره الباتع وقالت: دوري في سره الباتع متظلمش بسبب صفصف وكان موضوع تاني وأنا كنت ضيفة شرف وقولت لخالد يوسف أنا لو ليا دور كامل كنت هاخد أحسن ممثلة

هالة صدقي: رفعة الشبشب لياقة بدنية وإيمان العاصي كانت بتتخض مني

وكشفت هالة صدقي: رفعة شبشب هي جت كده وبعت رسالة لمحمد صلاح مش أنت بس اللي بتشوط ودي لياقة بدنية ومكنش مكتوب في الاسكريبت وإيمان اتخضت وراحت لمحمد سامي وقالتله هو أنا هضرب بس، وطبعا لازم المشهد ينزل مش هناخد رأيها.

وكشفت: كنت بستمتع بتهزيق نرجس البت بتاعت الأعمال لأنها سرقت الجلاليب بتاعتي، وكان في شوية غيرة بسيطة بينا في اللوكيشن بس مكنش في مشاكل بينا لأننا كنا حابين بعض وكنت بتعامل على إني صاحبتهم.

هالة صدقي: إيمان العاصي كانت بتتخض مني لما بهزقها في المسلسل

وكشفت هالة صدقي: إيمان مكنتش صاحبتي ولما كنت بهزقها واشتمها كانت بتتخض لأني جديدة عليها وحسيت بده وقولتها عندي صاحبتي انتيمتي هي نفس شخصية صفصف وهديت شوية ولما اتصاحبنا أوي مبقتش مخضوضة.

هالة صدقي: البنات كان في خلافات بينهم على التتر وكانوا مصعبين الدنيا

وتحدثت هالة صدقي عن الخلافات التي حدثت بين أبطال العمل بسبب تتر المسلسل وقالت: البنات كان في خلافات على التتر وكانوا مصعبين الدنيا وقولتلهم الأفيش ده اللي كله بيتخانق عليه دي وقت وهيطير والتتر بيتشال بعد أول يوم ومتعملوش مشاكل لأن دورك اللي هيبقى بس كنت مقدرة أن هما لسه صغيرين.