ساندي تحتفل بعيد ميلادها على طريقتها الخاصة: قررت ابدأ من أول وجديد وأنا عمري 22 سنة

احتفلت الفنانة ساندي بعيد ميلادها وذلك على طريقتها الخاصة، وهي البدأ من عمر الـ 22 ومحو ما فات من عمرها، وقررت البدأ من جديد.

تحيا مصر يرصد لكم احتفال ساندي بعيد ميلادها

ونشرت ساندي صورة لها عبر حسابها بموقع تبادل الصور والفيديوهات انستجرام وكتبت: النهارده قررت احتفل بعيد ميلادي بشكل مختلف.

وتابعت: وهو اني هعترف بالسنين اللي فاتت انها علمتني كتير ولكن مش هحسبها من عمري عشان هما مجرد رقم مش كل السنين لازم تتحسب علينا.

ساندي: قررت ابدأ من أول وجديد وأنا عمري 22 سنة

وأضافت: و أنا الحقيقة اتعلمت في كتير أوي وبما إني راضية عن نفسي وشخصيتي دلوقتي فـ قررت ابدأ من أول و جديد من وانا عمري 22 سنة العمر في العقل بس.

ساندي: ليه احسب وقت ضاع في حزن وخذللن وألم

واستكملت: وهي مجرد أرقام بنحسبها فـ ليه احسب وقت ضاع ف حزن وخذلان و الم انا هحسب من النهارده بالرقم اللي بيطاردني بقاله سنة.

واختتمت ساندي: الحقيقة حبيته و بتفائل بيه كل عام وانا في سعاده مالهاش حدود كل عام وانا ف نجاح كل عام وانا بحبكم كلكم.

كواليس مشاركة ساندي في فيلم تاج

وفي وقت سابق، كشفت الفنانة ساندي عن كواليس مشاركتها في فيلم تاج بطولة نجم الجيل، الفنان تامر حسني، وقالت ساندي خلال لقائها في برنامج insider: قابلت تامر حسني في فرح الفنان أحمد عصام، وبعدها اتقابلنا في الاستديو، وقالي إحنا بنصور فيلم تاج، قولتله أنت كلمتني عنه من سنة ونص، وكان نفسي يتعمل قبل فيلم بحبك.

وأضافت: تامر حسني قالي إنتي معانا في الفيلم، وكلم مخرجة العمل سارة وفيق، وقالها إيه رأيك في ساندي، وسارة اتبسطت جدًا وقالت يارت تكون معانا.. بقدم دور جديد عليا ومش متوقع، ودور الجمهور ماشفنيش فيه قبل كدا، حتى في الأغاني.

فيلم تاج

وفيلم تاج الفنان تامر حسني من المقرر عرضه خلال الفترة المقبلة، ويشارك فيه عدد من النجوم ومنهم: المطربة ساندي، و النجم بيومي فؤاد والعديد من النجوم.