محمد رمضان رقم واحد ومش هقبل بأي دور بعد جعفر العمدة.. أبرز تصريحات طارق النهري لـ تحيا مصر

فجر الفنان طارق النهري مجموعة تصريحات جريئة خلال لقائه بـ موقع تحيا مصر، وذلك عن علاقته بالفنان أمير كرارة وعن الواسطة في الوسط الفني ورأيه في الفنان محمد رمضان كنجم، وإليكم أبرز التصريحات ينقلها تحيا مصر في ذلك التقرير.

تصريحات طارق النهري لـ تحيا مصر.

• محمد رمضان رقم واحد في مصر وبنتمي للجيل القديم كأداء فنان.
• عملت نقلة فنية في جعفر العمدة وعشان أعمل حاجة تانية لازم أفكر كويس أقبل ما أقبل بيها.
• مكنتش بتفرج على مسلسلات عشان رمضان ليه حق عليا.
• منى زكي هي واحدة بس ومسلسلها تحت الوصاية رائع.
• فنان أهبل اللي مبيقبلش أدوار عشان شايفها إهانة ليه وأنا مبهملش أعمال بشتغل فيها.
• لو الأم فشلت في تربية الأبناء بنشوف العار اللي في عيلة فتح الله لكن الأب مش مسؤول عن التربية.
• الأب دوره انه ينزل يجيب الأكل لأولاده وممكن يعدل حاجات بسيطة غير كدة لاز
• أنا طارق النهري ليا اسم مش محتاج واسطة واشمعنا شغلي مع كرارة اللي واجع الناس.
• أمير كرارة ابن خالي ومش أول مرة أقول ده واشتغلت معاه عملين فقط ومشتغلتش معاه أفلام خالص.
• مش بفكر في أي عمل فني الفترة الجاية.

طارق النهري: مشوفتش زي نجاح جعفر العمدة

وكان قد أعرب طارق النهري عن سعادته بالنجاح الذي حققه مسلسل جعفر العمدة، فقال في تصريحات تليفزيونية: “أنا بقالي 45 سنة في هذا المجال ومشوفتش النجاح دا، النجاح دا أنا حسيت بيه مرتين في حياتي أيام ممدوح الليثي في فيلم الطريق إلى إيلات، جعفر العمدة النهاردة.. والنجاح دا شيء جميل أوي أوي، وطبطبة من عند ربنا، وفي شخصية حمادة الأستاذ محمد سامي قعد معايا قبل ما نبدأ تصوير خالص، وكأنه ادالي حقنة شرحلي فيها أبسط تفاصيل هذه الشخصية، فلما بدأت أديها بقيت حاسسها أوي، الشخصية مش بتتكلم كتير أنما ليها ريأكشنات كتيرة أوي بتعبر عن الحالة وطبيعة الشخصية".

جدير بالذكر، أنه حقق مسلسل جعفر العمدة نجاحات ساحقة خلال فترة عرضه في رمضان 2023 فاقت التوقعات، حيث لم تقتصر تلك النجاحات على تفاعل الجمهور مع العمل على مواقع التواصل الإجتماعي المختلفة بل أيضا اقتحم العمل الشوراع المصرية والمقاهي، كما ظهر الأبطال على عدد كبير من الملابس والإكسسورات كالحقائب وغيرها، وكان مسلسل جعفر العمدة هو العنوان الأبرز لـ رمضان هذا العام.