فيلم هارلي بطولة محمد رمضان يتربع على عرش إيرادات السينما

لازال النجم محمد رمضان مكتسح إيرادات السينما المصرية بفيلمه الجديد الذي يحمل اسم هارلي حيث حقق أمس الثلاثاء الموافق 25 أبريل 2،462،091 جنيهًا.

تحيا مصر يرصد إيرادات فيلم هارلي.

أغنية طوق نجاة من فيلم هارلي

وطرح محمد رمضان أغنية طوق نجاة من فيلم هارلي لتوعية الشباب ضد المخدرات وذلك عبر قناته الرسمية بموقع الفيديوهات الشهير يوتيوب.

كلمات أغنية طوق نجاة محمد رمضان من فيلم هارلي

طوق نجاة
شاب عادي في بدايته كانت حياته بألف لون
كان بيجري ويا حلمه قال أكون أو لا أكون
كان فاتح للدنيا صدره
طيش طموح وزاد جنون
جه ذكاؤه في لحظة خانه فجأة لعبت بيه الظنون
أيوة أنا الشاب اللي لعبت الظنون الكورة بيه
أيوة أنا اللي رسمت حلمي واللي ضيعه بإيديه

أيوة أنا اللي ناديتله سكة زغللت قوام عينيه
شافها جامدة في بدايتها بس كان آخرها إيه
چوب صب كاس في حب عاش يا بوب خد كمان
شد سطر روح يا قطر بان أسد لا تبان جبان
أي حاجة تيجي راشق أيوة راكب على السلام

محمد رمضان يتألق بأغنية طوق نجاة

كانت أموري راسية ماشية ايدي شادة على اللجام
فجأة خيل خيالي خاني قام صادمني وبغباء
المسيطر نخ وطى والمزاج ركب وساق
خلى كفة كيفي غالبة خد غلاوة أمي ليه
جابني غمى عيني ساقني خدني عبد بين أيديه

ضرب ضرب ضرب ضرب
هو ده اللي في القاموس
عيشت عمري جوة حرب كل همي اجيب فلوس
في اللي حلت منه فوت في اللي مات مافيش دروس
جوة دايرة خد وسقط عيشت بمبدأ يلا دوس
صاحبي الفلوس حتى اللي مني لو جنيه بخطف قوام
في اللي كارهك واللي حبك
حب ايه بنهي الكلام

مات ضميري قلبي مات والحلال دفنه الحرام
الشيطان من فعلي سقف قال عليا واد تمام
كله فك مني سابني شافني عقرب سمه موت
جيبي لو في مرة خاني كيفي نفسه يسبني أموت
يأسي نشن فيا صابني غول وساقني بالريموت

سحلة طول اليوم وآخره في أوضة أقرب من التابوت
نفسي ألاقي تاني نفسي
نفسي أحس بالحياة
نفسي جوة بحر يأسي يتحدفلي طوق نجاة
ليه بشوف في عينيكوا إني حد مفقود فيه الأمل
ده اللي موت 100 توبته كانت بنية واتقبل
يا حياة احدفيلي طوق نجاة يا حياة