رضوى الشربيني تعلق على خيانة قادير دوغولو لزوجته نسليهان أتاغول: صنف ما يملاش عينه إلا التراب

علقت الإعلامية رضوى الشربيني على خيانة قادير دوغولو لزوجته نسليهان أتاغول مع فتاتين في إحدى السهرات وتم تصويره وانتشار الفيديو عبر مواقع التواصل الاجتماعي.

تحيا مصر يرصد لكم تعليق رضوى الشربيني على خيانة قادير دوغولو لزوجته نسليهان أتاغول

وكتبت رضوى الشربيني عبر حسابها بموقع التواصل الاجتماعي فيسبوك: حتى دي اتخانت.. صنف ما يملاش عينه إلا التراب.

تصريحات رضوى الشربيني

وسبق وكشفت الإعلامية رضوى الشربيني عن معنى بعض المصلطحات منها مصطلع “أشباه الراجل”، فقالت خلال لقائها في برنامج أنا والقناع: “أنا عدوة أشباه الرجال اللي بيضرب مراته كل يوم علقة سخنة وبيشغل مراته وهو قاعد في بيته، الراجل اللي بيجرجر مراته على المحاكم عشان تجيب قوتها وقوت ولادها”.

وتابعت رضوى الشربيني: الراجل لازم يكون عنده مبدأ الدين معاملة، يبقى قوي يقويكي ميستقواش عليكي وحتى عند الفراق يجيبك قدامه ويوقولك بدون ما يجرحك ولا يهينك، لازم يكون حنين القلب وضهر وسند موجود عند اللزوم، مبيضحكش على بنات الناس ولا يهين بنات الناس”.

وضعت رضوى الشربيني مجموعة مواصفات للتفريق بين الرجل الصعب والتوكسيك، فقالت عن الرجل الصعب: “عصبي، بيتدخل في كل شؤون حياتك، مسيطر ومتحكم، قاعد بينظر عليكي طول الوقت، غيور وشكاك، لكن بتقدري تعيشي معاه”.

رضوى الشربيني تكشف مواصفات الرجل التوكسيك

 أما عن الرجل التوكسيك، فقالت رضوى: “الخائن، اللي بيخلي مراته وهما خرجين بترعش زي الكتكوت المبلول، بيقتل ثقة الست في نفسها، بخيل في المشاعر وعنده هوس بنفسه، بيتلفظ بألفاظ مش محترمه وبيجرح كرامة الواحدة بيقطع صلة الرحم بين الست وأهلها”.

مواصفات فتى أحلام رضوى الشربيني

كما كشفت رضوى الشربيني عن مواصفات فتى أحلامها، فقالت: “عايزاه قادر عشان أنا ست قادرة، قوي ويقويني ويبقى سندي وضهري، لو قرر إنه مش عايزيني يقولي انا اسف مش هقدر أكمل.

وتابعت: لازم يكون ناجح وعنده طموح وبيتقي ربنا في معاملة باباه ومامته، يحبني أوي ويهتم بيا ويعرف يتعامل معايا لأني صعبة، دمه خفيف ويكون شيك في نفسه”، ومازحت رضوى الشربيني منى عبد الوهاب وقالت أن تلك المواصفات في الأحلام فقط.