غدًا.. شيرين عبد الوهاب تُحيي حفلًا في دبي

تستعد المطربة شيرين عبد الوهاب لإحياء حفلًا غنائيًا جديدًا، وذلك غدًا الجمعة 28 أبريل الجاري، ومن المقرر أن يقام الحفل على مسرح كوكاكولا أرينا بدبي.

تحيا مصر يرصد لكم حفل شيرين عبد الوهاب

ومن المقرر أن تقدم شيرين عبد الوهاب  خلال الحفل مجموعة من أشهر أغانيها  القديمة والجديدة والتي يتفاعل معها الجمهور.

تصريحات شيرين عبد الوهاب في ET بالعربي

وكشفت شيرين مؤخرا خلال لقائها في برنامج et بالعربي، مفاجآت حفلها في دبي، قائلة إنها ستقدم خلاله أغنيتين جديدتين بالإضافة إلى مفاجأة أخرى سوف تقدمها مع بناتها على المسرح.

ومن جانب آخر، كانت قد كشفت الفنانة شيرين عبد الوهاب عن سبب غيابها عن الجمهور خلال الفترة الأخيرة وقال خلال لقائها في برنامج إي تي بالعربي: أنا مخسرتش السوشيال ميديا بتاعتي بس فيه شوية حاجات كدا إدارية بتخلص، وإن شاء الله هترجع السوشيال ميديا بتاعتي، وأي سوشيال ميديا بتاعت أي حد بعتبرها بتاعتي.

وعن وقوف عدد من الفنانين بجانبها في أزمتها الأخيرة، قالت: الفنانين كانوا زيهم زي الجمهور خايفين عليا وعايزيني أرجع لنشاطاتي تاني، فدا حب وربنا كرمني، واسمي طالما اتحط في دعايا يبقى جاية، مفيش حاجة اسمها دعايا ليا في أي مكان وأنا مش جاية.

شيرين عبد الوهاب ترد على المشككين في تواجدها بدبي

كما حرصت شيرين عبد الوهاب الرد على كل من شكك في تواجدها بدبي لإحياء الحفل، وقالت: وكنت حريصة أني أعمل مقابلة عشان الناس تعرف أني وصلت دبي عشان فيه شوية مشككين في السوشيال ميديا بس احنا حطناهم مكانهم دلوقتي، ربنا ما يحرم أي إنسان من ضحكته، وأنا بحب المسئولية أوي، وبحب استقبال الجمهور، ومقابلة الجمهور، فأنا سعيدة عشان كدا، وأنا منساش أن أول حفلة أعملها في حياتي خارج جمهورية مصر العربية كانت في دبي، فدبي وشها حلة عليا، وعملنا بروفات في مصر كتير وفيه غنوتين جداد هقدمهم على المسرح.

شيرين عبد الوهاب: عندي شوية مشاكل مع شركة روتانا

واختتمت: وعندي شوية مشاكل إدارية بتخلص مع روتانا.. الأغاني موجودة بس أول ما المشاكل الإدارية دي ما تخلص هيتم طرحها، وخلاص أنا بقيت موجودة، وبناتي هيكونوا معايا على المسرح إن شاء الله.