بصرف فلوسي على اللبس ومبعرفش ألبس الحاجة إلا مرة واحدة.. أبرز تصريحات أحمد سعد

حل الفنان أحمد سعد ضيف على برنامج  gossips، المذاع على السوشيال ميديا، والذي كشف خلاله عدد من التصريحات الخاصة بحياته الشخصية والفنية، ويرصدها تحيا مصر في تلك السطور.

تصريحات أحمد سعد في gossips

• المسرح وقع بيا وأنا بغني أنا والناس لأنهم كلهم طلعوا على المسرح عشان يرقصوا معايا وفجأة لقتهم شالوني ودخلوني بيت ومهتمين بيا جدا وأنا مفييش حاجة فكنت مستغرب.
• أنا بحاول دايما إني اخس وكنت فاكر إني أما اشترك في الجيم ومروحتش جسمي هيظبط.
•  أكتر حاجة بصرف عليها فلوس هو اللبس ومبعرفش ألبس اللبس الا مرة واحدة.
•  عمرو سعد طريقته في النصيحة وحشة جدا يعني ممكن أكون شغال بقالي يومين في اغنية ويقولي اي القرف ده.
• قمة النضج إنك تختار زوجة بتهتم بنفسها مش بيك، عشان هي لما تحب نفسها تعرف تحبك وتكون بتحب كيانها ولو هي فاقدة أي شيء في نفسها مش هتحبك.
• عمرو سعد بيخاف على نفسه من النجفة، شيرين عبد الوهاب صديقة عمري وكنا بنقعد على ديسك واحد، أحمد مكي من الشخصيات اللي بتفهم والكلام اللي قولناه في الكبير كان تلقائي مش متحضر، بسمة وهبة شخصية جميلة جدا وبتحب التريند حب كبير.
• ويل سميث سمع الاغاني بتاعتي واتبسط جدا وطلب مني نعمل ديتو مع بعض.
• سميت اسم بنتي على اسم مراتي منعا لحدوث مشاكل ولاني شخصيتي جامدة جدا في البيت.

أحمد سعد في رمضان 2023

من ناحية أخرى، شارك أحمد سعد في رمضان 2023، من خلال تقديم عدد من الأغنيات في  مسلسل جعفر العمدة، الذي يخوض به الفنان محمد رمضان سباق مسلسلات رمضان 2023، ويعد المسلسل من بطولة محمد رمضان، زينة، هالة صدقي، منة فضالي، إيمان العاصي، مي كساب، عصام السقا، منذر رياحنة، دعاء حكم، بيومي فؤاد، أحمد فهمين، طارق الدسوقي، أحمد فتحي، فريدة سيف النصر، أحمد داش، مجدي بدر، سلوى عثمان، أحمد عبدالله، جوري بكر، والمسلسل من تأليف وإخراج محمد سامي، وتدور قصته في إطار شعبي حول جعفر العمدة الذي يتزوج من 4 سيدات.