نور محمود لمنتقدي شيرين عبد الوهاب: ارحموها هي اتكعبلت ومكنتش سكرانة

علق الفنان نور محمود على منتقدي الفنانة شيرين عبد الوهاب، وذلك بعد سقوطها على المسرح في حفلها الذي أقيم مساء أمس في دبي.

تحيا مصر يرصد لكم مهاجمة نور محمود لمنتقدي شيرين عبد الوهاب

وكتب نور محمود عبر حسابه بموقع التواصل الاجتماعي فيسبوك: الست فرحانة انها رجعت تغني مع جمهورها... الناس اللي بتتفرج فرحانة بيها وبصوتها..فجأة اتكعبلت... اه والنبي اتكعبلت ( مكانتش سكرانة) ووقعت... لا اتكعبلت.

نور محمود: الموضوع كله أن بس الست اتكعبلت 

وتابع: وهنا بدأت الطعنات الفلسفية والاراء المتعمقة الوجودية و دعوي سقوط النجوم من اعالي المجد المركزي وذهاب موهبة السماء ادراج الرياح الموسمية وكلام كدة بالصلاة عالنبي اخر بزرميط، والموضوع كله أن بس الست اتكعبلت.

نور محمود لمنتقدي شيرين عبد الوهاب: ارحموا ترحموا

وأضاف:رجاء بس الناس دي لما الست حيلها يتشد اوعوا تقولوا ايوة كدة داحنا اللي دعمنا وشديناه ، الكلمة ممكن ترفع سابع سما... والكلمة برضه ممكن تخسف لسابع أرض..ارحموا... تٌرحَموا.

 نجوم الفن يدعموا الفنانة شيرين عبد الوهاب

وكان قد حرص عدد كبير من نجوم الفن على دعم الفنانة شيرين عبد الوهاب بعد سقوطها على المسرح، ومنهم الفنانة مها أحمد، والتي  نشرت صورة للفنانة أم كلثوم أثناء سقوطها على المسرح وكتبت عبر حسابها بموقع تبادل الصور والفيديوهات انستجرام: ما يقع إلا الشاطر، كم من المطربين والفنانين ممكن يتكعبلوا ويقعوا على المسرح ومشاهير كتير جدا.

مها أحمد: ارحموا نفسكوا يامتنمرين

وأضافت: ارجوكم ارحموا البشر طبطبوا على بعض مش شرط على المشاهير بس كفايه تنمر، الخلاصة ارحموا نفسكوا يامتنمرين واتقوا الله واستخدموا الحديدة اللى في إيديكم صح، وشيرين عبد الوهاب نجمة النجوم وكاريزما وخفة دم وكفايه إنها حنجرة مصرية مُشرفه لبلادها.. بحبك يا شيرين وكل العالم بيحبك رغم أنف متنمرين السوشيال ميديا.

واستكملت مها أحمد: رحمتك يارب نفسى أسال سؤال لو كانت طلبت دكتور وبوظت الحفلة وضيعت فرحة الناس وعكننت عليهم وده حقها لإنها نجمة النجوم كنتوا هتتنمروا وتقولوا عليها ايه؟ الست القمر تداركت الموقف وهزرت ومتعت الناس لها الله.