العروسة بكر وصوابعها مقطوعة.. مفاجأت على لسان والدة فتاة الغربية | فيديو

بنتنا راحت غدر وياريتها رجعت جثة سليمة ده مقطعها.. بهذه الكلمات سردت والدة عروس الغربية لـ تحيا مصر التفاصيل الكاملة لمقتل عروس الغربية على يد زوجها.

لامس أجزاء حساسة من جسدها.. طبيبة تتهم شاب بالتحرش بها في القاهرة

دقائق في المستشفى.. التفاصيل الكاملة لـ وفاة الفنان مصطفى درويش|فيديو

التفاصيل الكاملة لواقعة عروس الغربية

وسردت والدة عروس الغربية مأساتها قائلة «بنتي أية كانت شغالة مدرسة في سنتر دروس، وكل التلاميذ وأهل البلد بيحبوها، ومكنش في حد في حنيتها، إتخطبت 8 شهور، ومكنش في حاجة باينة من تصرفات جوزها، قالتلي ده شكله أسمر قولتلها طالما موظف وابن حلال يا أية مفيش مشكلة».

وقالت الأم المكلومة: «أنا كنت رايحة أشتري عيش من الطابونة وقالولي روحتي عند بنتك قولتلهم أطمنت عليها إمبارح ومفيهاش أي حاجة، وبعدها بدقائق جه تليفون لـ حازم وأنا معرفش حاجة برضوا نزلت البلد بسألهم هي أية بنتي فين وفين العريس وأمه وأخواته قالولي منعرفش حاجة وكلهم كانوا واقفين مطاطين وشهم في الأرض».

والدة عروس الغربية: مكنتش عايزة اسيبها في الصباحية

وتابعت والدة عروس الغربية: «قالولي بنتك أية في الجامعة، روجت الجامعة لقيت ضابط بيسألني إنتي والدة أية قطب قولتله أه أنا، قالي بيقولوا أنها في البلد مقطعين شرايينها ومش عايزة تتجوز وحوارات كده، وأية جثة ياحاجة في البلد».

وأضافت والدة عروس الغربية «يوم الصباحية إتصلت ببنتي وجوزها قالي أنا واخد أحسن من الذهب والماس، وروحت إديتها الدهب بتاعها عشان ميحصلش مشاكل وقولتلها عاملة ايه يا اية قالتلي كويسة ياماما، وسيبتها ومشيت».

شاهد عيان: تقرير الطب الشرعي أثبت أنها ما زالت بكر

وأكملت والدة العروس «كان في حاجة يوم الصباحية بتقولي متمشيش وخليكي مع بنتك، ومكنتش عايزة أمشي وأسيبها، بس كان هيبقي شكلي وحش دول عرسان جداد، وأية قعدت تقولي خليكي ياماما قولتلها هجيلك تاني يابنتي، وكنت حاسة أن صوتها مخنوق وأنا بكلمها تاني يوم ولقيتها بتقولي مش هتيجوا ياماما لأنها كانت مرتبطة بيا».

فيما قال أحد شهود العيان على الواقعة «التقرير الطبي سطر تعرض أية عروس الغربية لإصابة في الرأس، وعدم وجود أحد أسنانها، و3 صوابع غير متواجدة، وطعنات متفرقة في الجسد، كما تبين أنها ما زالت بكر وتواجد غشاء البكارة».