دانا حمدان: بيجيلي 30 قطة يوميًا ياكلوا عندي وكسرت بلكونتي عشان انقذ قطة كانت في ماسورة

تحدثت الفنانة دانا حمدان عن مبادرتها الجديدة عزماني عندكم، كما تحدثت عن إنقاذها للعيديد من الحيوانات خلال الفترة الأخيرة.

تحيا مصر يرصد لكم تصريحات دانا حمدان

وقالت دانا حمدان خلال استضافتها في برنامج السفيرة عزيزة، والذي يعرض عبر قنلة دي أم سي، وتقدمه الإعلاميتين سناء منصور وسالي شاهين: عملت المونتاج وكل حاجة لوحدي دي تجربة لأول مرة عشان أحترم خصوصية البيوت، حبيت أكون ضيفة خفيفة لوحدي.

دانا حمدان: بيجيلي 30 قطة يوميًا عشان ياكلوا عندي

وتحدثت دانا عن قصة القطة التي جرى إنقاذها بعد بقائها يومين في الماسورة، وقالت: الحمد لله طلعت، بيجيلي حوالي 30 قطة يوميا عشان ياكلوا عندي، وعاملة لهم منطقة بيقعدوا فيها وحدهم، واحدة منهم كانت بتبص على بلكونة جيراني وتبكي بهيستيريا عند جيراني عشان عاوزة ولادها، وأخدتهم من الجيران. 

دانا حمدان: كسرت بلكونتي عشان انقذ قطة

وأضافت: في اليوم التالي بحثت عن القطط دون أجدهم أو أسمع صوتا لهم، بعد فترة قليلة سمعت صوت قطين، وتم استخراجهم من بالوعة، وفي الساعة الثالثة فجرا اتصلت بالدفاع المدني لإنقاذ القط الثالث الموجود بالماسورة، واستجابوا لي وقدموا لي العون على الفور، وبداية من الساعة الخامسة فجرا كسروا في البيت، كرت البلكونة بتاعتي كلها فوق وتحت لإنقاذ القط، وتم إنقاذه بالفعل.

تصريحات دانا حمدان

وسبق وكشفت الفنانة دانا حمدان عن موقفها من الزواج، ومدى تأثير تجربتها مع التحرش على قرار عدم زواجها، وذلك خلال لقاء لها ببرنامج الستات، مع الإعلامية سهير جودة، عبر شاشة تلفزيون قناة النهار،وقالت: فيه رجالة كانت عايزة تتجوزني بس بيجوا في أوقات مش مناسبة ليا، يعني بمعنى عايش في بلد بعيد، مثلا أنا في مصر وهو يبقى في أمريكا.. ممكن مثلا يبقى رجل متزوج ودا بالنسبالي مرفوض تماما، أو ممكن يكون كويس بس مش بيحب الكلاب.

وتابعت: وتجربة التحرش حادثة ممكن يتعرض ليها أي شخص، ولغاية دلوقتي بفتكرها كأنها حصلت امبارح، أنا كان عندي 14 سنة ورايحة عند دكتور صديق للعيلة، وعمري ما هنساها وأثرها عمره ما هيروح، لكن مش هقدر أقول أن حدوثها خلاني أخد موقف من الجواز.