أول تعليق من زوجة حسن شاكوش بعد تداول صور مع طليقها

ردت ريم طارق زوجة مطرب المهرجانات حسن شاكوش على تداول بعض الصور لها مع طليقها السابق، وذلك بعد قيامها بتحرير محضر ضد حسن شاكوش.

تحيا مصر يرصد لكم أول تعليق من ريم طارق على حسن شاكوش 

واعادت ريم نشر ستوري عبر حسابها بموقع تبادل الصور والفيديوهات انستجرام وجاءت فيها: ريم كانت متجوزة من سنتين وانفصلت بعد سنة واتجوزت حسن بعدها بسنة وشهور ودا مش عيب.

وتابعت: حسن وابن اخته مطلعين أن ريم كانت ماشية غلط وبيعملوا اكونت فيك يُسيئ لمسعتها وهي متجوزة ده مش عيب ولا حرام.

ريم طارق: عيب أوي يا حسن تشهر بمراتك

واستكملت:عيب اوي يا حسن تشهر بمراتك وتخلي ابن اختك يتكلم على عرضك عشان التريند دي لسه لحد دلوقتي مش راضية تتكلم عنك.

أول تعليق من والد ريم طارق على أزمة ابنتها

وكان قد حرص والد ريم طارق، زوجة المطرب الشعبي حسن شاكوش، التعليق على أزمة ابنته مع زوجها، وقال والد ريم طارق في مداخلة هاتفية له ببرنامج صبايا الشمس: بنتي زوجة حسن شاكوش لحد اللحظة دي، وكل اللي بيجيبوا ربنا كويس، فيه إجراءات قانونية وأتمنى أن العدل يطبق على الجميع، والحق إن شاء الله هيجيي.

وأضاف: أي حاجة اتكتبت طالما مش على لساني متعتبرهاش حقيقية، وهو من حقه يطلقها، واحنا في بلد شرقي ومش هينفع نتكلم في أي حاجة طالما فيه علاقة قائمة بننا وبينه، وأتمنى الأمور تتحل من غير أي حاجة وإن شاء الله حقنا جاي.

واختتم حديثه: بنتي محصلش تعدي عليها هي معجبهاش الوضع، المحضر معمول بالحقوق الشرعية بتاعت بنتي المؤخر والقايمة وحاجات كتير، وحالة بنتي النفسية ممتازة واحنا مبسوطين جدا جدا وفرحانين.

أزمة حسن شاكوش وزوجته

 وكانت قد حررت  ريم طارق زوجة المطرب حسن شاكوش محضرًا ضده داخل قسم شرطة أول أكتوبر، حيث اتهمته بسرقة مشغولاتها الذهبية وطردها من المنزل،  وورد بلاغًا لضباط مباحث قسم شرطة أول أكتوبر من ربة منزل تتهم زوجها حسن شاكوش المطرب، بالاستيلاء على أموالها وسرقة ذهبها وإيصال أمانة مؤخر الصداق، وعفش الزوجية بعد نشوب خلافات بينهما، وطردها من المنزل وتهديدها بالطلاق.