تامر عاشور عن حفله بالكويت: شكرًا على الحفاوة والاستقبال من الجمهور الكبير

حرص الفنان تامر عاشور على توجيه الشكر إلى جمهور الكويت، وذلك بعد حفله الذي أقيم مساء أمس، وشهد حضورًا جماهيريًا كبيرًا.

تحيا مصر يرصد لكم رسالة تامر عاشور لـ جمهور الكويت 

ونشر تامر عاشور صورًا له من حفله في الكويت عبر حسابه بموقع تبادل الصور والفيديوهات انستجرام: كل الشكر لجمهور الكويت الكبير على الحفاوة والاستقبال.

وتابع: مكانش عندي شك ابدا ان افتتاح مهرجان الصيف هيفوق توقعاتي وقد كان  فعلا جمهور كبير وحافظين كل الاغاني .. وبشكر الشركة المنظمة والشركة المنتجة.. وان شاء الله اشفكم قُريب .

حفل تامر عاشور في السعودية

وسبق وعلق الفنان تامر عاشور على إحياء حفلاته في جدة بالمملكة العربية السعودية، وذلك خلال مؤتمر صحفي أقيم على هامش إحيائه حفلتين في جدة، وقال تامر عاشور: حفلة النهارده مختلفة.. الحفلات اللي فاتت كانت قوية.. ولكن المرة دي أقوى وأقوى وده اللي شغالين عليه.. الجمهور رقم 1 كان حماسه غير طبيعي.. نقينا الأغاني بعناية عشان نشوف تفاعل طول الوقت وده بان نتيجته على المسرح.. وهي من أقوى الحفلات بجد.

حفل تامر عاشور مع أنغام

وسبق وأحيا الفنان تامر عاشور حفلًا غنائيًا في الكويت، وذلك برفقة الفنان أنغام، صعد تامر عاشور للغناء برفقة أنغام لغناء «لوحة باهتة»، التي طرحت منذ حوالي عام، من ألحانه وكلمات نادر عبدالله، وسط صيحات وهتافات الجمهور لهما.

كلمات أغنية لوحة باهتة

عارف احنا طول فراقنا زي ايه
زي لوحة باهتة لونها مايترسمش
زي سطر في صفحة متشخبط عليه
مهما تقرا فيه تلاقيه مابيتفهمش

زي طفلين وقت لما بيغلطوا
بتلاقيهم خافوا يومها وعيطوا
زي حرفين مشبوكين واتفرطوا
زي طرفين مقطوعين مابنتلضمش

كنت عمري ياللي مقصود بالكلام
كنت ضهري ونفسي ضهري مايتقطمش

الا لو لو يحضنها ويغطيها رمش

ليه وافقنا وسيبنا بعض ازاي كمان
واتفارقنا قال عشان مابنتفاهمش
عننا ما كنا اتفاهمنا من زمان
بس من اللي بينا كنا مانتحرمش

كنت عمري ياللي مقصود بالكلام
كنت ضهري ونفسي ضهري مايتقطمش
هو بالليل ينفع ان العين تنام
الا لو لو يحضنها ويغطيها رمش