عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

ضربتها بالحزام.. إعترافات قاتل ممرضة أكتوبر: كويسة بس عنيدة ومش بتسمع الكلام

زواج فاطمة ممرضة
زواج فاطمة ممرضة اكتوبر وزوجها القاتل

شهر وأكثر مضى على وفاة ممرضة أكتوبر.. تلك الواقعة الشهيرة التي باشرت فيها النيابة العامة التحقيقات بعد تلقيها إخطارا بوفاة سيدة داخل مستشفى 6 أكتوبر، أثر تعرضها لجرح طعني في الصدر وأماكن أخرى.

نص إعترافات قاتل زوجته ممرضة أكتوبر

تحقيقات النيابة العامة، كشفت تفاصيل مفاجأة في الحادث، حيث ادعى زوج المجني عليها - ممرضة أكتوبر - بوقوع مشادة كلامية بينه وبين المجني عليها، إنتهت إلى حملها آلة حادة وهددت بإصابة نفسها، وإشتبكا في محاولة منه لنزع السكين منها فحدثت إصابتها، وقام بنقلها إلى المستشفى وتوفيت خلال ذلك.

وقال المتهم بقتل زوجته ممرضة أكتوبر في إعترافاته، أنا شغال في مستشفى الدمرداش في التمريض ومراتي كانت شغالة معايا، وأتعرفنا على بعض، وبعدين أتجوزتها قبل الحادثة بـ 4 شهور في أول السنة، وكنا بنتخانق كتير أنا وهي لكن بنتصالح بسرعة عشان إحنا بنحب بعض، وهي كانت بتعمل كل حاجة في البيت، وبتديني كل حقوقي الشرعية، بس مشكلتها كانت عنيدة ومش بتسمع الكلام.

ممرضة أكتوبر

قاتل ممرضة أكتوبر: هي اللي هددت بقتل نفسها

وتابع المتهم بقتل ممرضة أكتوبر، يوم 6 إبريل اللي فات كنت أنا وهي في البيت، وبعد ما فطرنا عشان كنا في رمضان، أتخانقت أنا وهي، قامت قالتلي أنا هموتلك نفسي، وجريت على المطبخ قمت وراها لقيتها ماسكة السكينة بتاعت المطبخ في إيديها، وقولتلها أنتي أتجننتي، ومسكت من وشها وقولتلها موتي نفسك أحسن.

وأضاف المتهم قائلا: ردت عليا قالتلي أنا مابهزرش أبعد عني، مسكتها من رقبتها بإيدي اليمين وحاولت أشد السكينة منها لكن هي كانت بتتلوى بجسمها عشان تفلت مني، فقامت رجعت لورا وبتنزل لتحت راحت السكينة دخلت في صدرها، لما شوفت المنظر كدة طلعتها برا المطبخ عشان المطبخ ضيق عندنا.

ممرضة أكتوبر

قاتل زوجته: عنيدة ومش بتسمع الكلام

لقيت نافورة دم طالعة.. أكمل قاتل زوجته ممرضة أكتوبر، أنه شاهد الدماء تخرج من صدرها، فقال: روجت جبت مناديل من أوضة النوم وحاولت أوقف الدم، المناديل كانت مش كفاية، وروحت الريسبشن جبت مناديل تاني وفضلت أحاول أنشف الدم معرفتش، فتحت باب الشقة وفضلت أنادي محدش عبرني.

ممرضة اكتوبر وزوجها

وضمن إعترافاته في تحقيقات النيابة، قال المتهم بقتل زوجته ممرضة أكتوبر، أتصلت بأبويا وقولتله تعالى إلحقني، وأبويا طلع فعلا الدور الخامس وشاف منظر فاطمة، ونزلها معايا وأمي كانت في الشقة تحت وأحنا نازلين بيها فضلت تصوت ولقيتها جايبة عربية سوزوكي، وروحنا بفاطمة على المستشفى وهناك أتقبض عليا والدكتور قالي البقاء لله.

إعترافات قاتل زوجته: ضربتها بالحزم على رجليها

وإستكمل المتهم بقتل ممرضة أكتوبر، آثار العض اللي في جسمها دي كانت هزار أنا كنت بعضها وهي تعضني على سبيل الهزار، والحروق دي كانت من آثار الزيت لما بتطبخ على رجليها، وتقريبا في شهر فبراير حصلت خناقة بيني وبينها وضربتها بالحزام على رجليها، ودي كانت أخر مرة أضربها.

ممرضة أكتوبر

وكانت النيابة العامة سألت والدي المجني عليها - ممرضة أكتوبر - وقررا أن المتهم كان دائم التعدي عليها بالضرب منذ بداية الزواج، وأتهماه بقتلها، وأمرت النيابة بحجز المتهم لحين ورود تحريات المباحث، التي جاءت مؤكدة لروايته من أن مشادة كلامية نشبت بينهما إنتهت إلى حمل المجني عليها سكين وتهديدها بإنهاء حياتها محدثة إصابة نفسها فآثار ذلك غضب المتهم فاشتبكا محاولا أخذ السكين منها فحدثت إصابتها، ثم أمرت النيابة العامة بحبس المتهم على ذمة التحقيقات.

تابع موقع تحيا مصر علي