عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

هالة تطلب الطلاق: زوجي شاذ بيرفض العلاقة السوية ومش عايز غير الحرام

فتاة - أرشيفية
فتاة - أرشيفية

وقفت هالة أمام مبنى محكمة الأسرة في المعصرة، ترتدي عباءة سوداء اللون، وملامحها وجسدها النحيل قد يكشفان عن عمرها، والذي من الوهلة الأولى تعتقد وأنها إمرأة ثلاثينية، إلا أن مأساة هالة مع زوجها وظروف الحياة قد غيرت من تفاصيل عمر وملامح الصغيرة.

هالة تطلب الطلاق للضرر من زوجها

هالة فتاة لم تكمل بعد ربيعها الثالث والعشرون، حضرت إلى محكمة الأسرة في المعصرة، لإقامة دعوى طلاق للضرر، من زوجها بسبب قيامه بإقامة العلاقة المحرمة معها تحت تأثير مخدر، ورفضه لممارسة العلاقة الزوجية السوية معها، وحين رفضت تلبية رغباته الشاذة رفض معاشرتها معاشرة الأزواج.

وسردت هالة الفتاة العشرينية مأساتها مع زوجها التي دامت لمدة 9 شهور، قائلة «حضرتك أنا أتجوزت من حوالي 9 شهور، واحد إبن حلال كان عايز عروسة وكلم خالتو وهي كلمت ماما وقالتلها في عريس كويس ومش كبير عنده 25 سنة، وأنا قولت عادي فرق 4 سنين بينا دول مش كتير وأشوفه، وعشان أنا عندي 5 أخوات بنات، قولت أتجوز وأخفف عن أهلي المصاريف شوية».

هالة: رافض العلاقة السوية ومش عايز غير الحرام

وتابعت هالة في قصتها مع زوجها «الشاب جه أتقدم لأهلي، وأنا شوفته هو متوسط الطول وبيشتغل وبيصلي كل فرض في وقته ومش عندنا بس عشان قدامي يعني، والمهم أننا سألنا عليه وطلع مالهوش في قعدة قهوة ولا ناصية وعلى طول شغله وبيت أهله كل حياته، وفعلا أتخطبت له، وقعدنا 4 شهور خطوبة وبعدين الشقة خلصت جهزنا للفرح وأتجوزنا».

وأضافت هالة التي حضرت طالبة الطلاق للضرر «أنا مش عارفة أقول إيه.. جوزي من أول ليلة في بيتنا كان إنسان عادي وطبيعي ومشوفتش منه حاجة وحشة، وكان بيعاملني كويس، وحصل بينا العلاقة الزوجية عادي زي أي أتنين متجوزين، لكن بعد حوالي 5 شهور من جوازنا حالي أتشقلب وهو شايف أنه عادي وأن حقوقه كزوج يطلب وأنا أنفذ كل حاجة».

زوجة: خدرني وعمل معايا الحرام 

وأكملت الزوجة العشرينية هالة « بعد 5 شهور جواز طلب مني حاجات حرام يعني، وأنا قولتله لا طبعا مستحيل أعمل الحاجات دي، وقولتله أنا عارفة أنها بتجيب أمراض ده غير أنها حرام، قالي ساعتها إنتي مراتي وحلال ليا في كل حاجة، وأنا أعمل معاكي كل اللي نفسي فيه، قولتله أيوة بس مش لدرجة الحرام، وحصلت خناقة بينا وتركت له البيت وذهبت لأهلي يومين، ومعرفتش حد حاجة».

لقيته جه يصالحني عند أهلي.. تابعت هالة في حديثها قائلة: جالي عند أهلي وقالي إنتي مراتي وحقك عليا والكلام ده وخلاص، وفعلا رجعت معاه البيت، ولما رجعنا عدى كام يوم وفي أخر الإسبوع لقيته مجهز أتنين عصير وعشاء من بره وقعدنا أكلنا وبعدين حسيت شوية إني دايخة ومعرفش إيه اللي حصلي، بس صحيت بعدها بشوية مش عارفة قد أيه وحسيت إني مصابة ووجع جامد جدا، وهو كان نايم جنبي صحيته وأتخانقت معاه وفضل يقول هتلاقي الأكل بس من التوابل أو الشطة أو عندك تعب هنبقى نروح لدكتورة، وحاول يقنعني أن مفيش حاجة».

وأختتمت هالة حديثها قائلة «مروحتش أكشف بس فضلت أسبوع بنام لوحدي وأقفل على نفسي بالمفتاح، وبعدها قعد أتكلم معايا وقالي على كل حاجة وقالي خلاص مش هيحصل تاني، ومن ساعتها 4 شهور بيحاول صبح وليل أنه يقنعني بالممارسات الشاذة دي ومفيش ولا مرة مارسنا فيها العلاقة الزوجية الطبيعية في الأيام دي، واحدة صاحبتي قالتلي أرفعي عليه دعوى، روحت لمكتب محامية وحكيت لها وقالتلي هنرفع دعوى طلاق للضرر ونروح نكشف عند دكتورة».

تابع موقع تحيا مصر علي