محمد فؤاد: حلم لأي مطرب يغني في السعودية وحسيت أني لأول مرة بغني

علق الفنان محمد فؤاد على نجاح حفله بالمملكة العربية السعودية، الذي أقيم أول أمس الخميس الموافق 25 مايو على خشبة مسرح بنس مارك ضمن حفلات تقويم جدة.

تحيا مصر يرصد تعليق محمد فؤاد على نجاح حفله بالرياض. 

تصريحات محمد فؤاد

وقال محمد فؤاد في تصريحات لوسائل إعلام سعودية: لو وصفت شعوري بعض الناس هتستغرب، بس وأنا بغني في السعودية حسيت أني بعد العمر ده كله أني أول مره أغني، ولازم أكون خايف أني أعمل حفلة في بلدي التاني وتكون حلوة.

محمد فؤاد يشيد بالسعودية

وتابع: أنا بدأت الحفلة قولت أن ده حلم، هو حلم لأي مطرب يغني في السعودية.. سيبك من أي تاريخ وأي حاجه فاتت، الغناء في السعودية بالشكل ده خطوة كبيرة لأي مطرب مهما كان كبير أو صغير، وليا الشرف أني غنيت في السعودية بلدي اللي بعتز بيها.

وأضاف: السعودية هتفضل في قلوبنا لأخر يوم في حياتنا، ونخدمها ونفديها بعيونا، والشعب السعودي لن يتكرر في العالم وفعلًا شعب عالمي.

على الصعيد الآخر، قال محمد فؤاد خلال استضافته في برنامج العرافة والتي تقدمه الإعلامية بسمة وهبة: انا عارف اني رايح لرامز وده مجنون وممكن يتسبب في مصيبة.

محمد فؤاد في العرافة

وتابع: أنا روحت لرامز وهروحله تاني ومش هقبل الهجوم عليه لأن سكاكين الدنيا جت عليه والسوشيال ميديا سم قاتل وكله بيفتي.

واستكمل: كانوا عارفين اني عامله عملية لكن عدت على خير ومفيش اي حاجة حصلت ويطمن الناس وكان اوفر جدا على السوشيال ميديا.

وردت بسمة وهبة على حديثه وقالت: كل فنان بيروح لرامز يبقى مسئول عن اللي هيحصله هو مش عارف هو هيحصله ايه بس عارف أن هيحصله مصايب.

وأضاف: أنا كنت رايح مرعوب وجبت الشركة اللي عامله المقلب وعرفت أنه مطعم طائر بس قولت قدامنا لسه نص ساعه واضرب رامز واعمله فخ.

وتابع محمد فؤاد حديثه عن برنامج رامز : مفيش حد مش بيقبض وهي مش سرقة وأنا روحت إكرامًا لرامز عشان أنا بحبه.

واستكمل محمد فؤاد: قولت لرامز جلال أعمل مقلب من غير ما تهين حد وقولتله الناس بتزعل منك وأنا كمان هزعل منك.