عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

خالد يوسف: متحدتش مخرجين مصر.. ولم اعتزل إخراج المسلسلات

خالد يوسف - إنجي
خالد يوسف - إنجي علي

أوضح المخرج خالد يوسف حقيقة تحديه لمخرجي مصر، بسبب مشاهد المجاميع التي نفذها في مسلسل سره الباتع، وذلك خلال لقائه اليوم ببرنامج أسرار النجوم مع الإعلامية إنجي علي عبر محطة راديو نجوم إف إم.

تحيا مصر يرصد تفاصيل تصريحات خالد يوسف في أسرار النجوم

خالد يوسف ومخرجي مصر

وقال خالد يوسف: أنا متحدتش مخرجين مصر، ولكن قولت مخرجين مصر يقولولي القفزة اللي أنا عملتها في سره الباتع موجودة ولا لا، أنا عليت المستوى ولا نزلت بيه؟.. وأعظم فيلم تاريخي كان الناصر صلاح الدين وأنا متجاوزتوش.

وتابع: ولكن في الدراما التليفزيونية والسينمائية التاريخية أنا متجاوز اللي حصل كله في تاريخ السينما وعامل شكل جديد بالتكنيك والتصوير، وإزاي تعملي 2000 مجاميع وكأنك راسمة لوحة، ولما قولت أتحدى مخرجين مصر لأنهم بيفهموا وينظروا ويقولوا أنت عملت تطور محصلش من قبل في الأفلام التاريخية.. وأنا عمري ما قولت كلام فيه أي تعالي على الناس، ولكن أنا مش عامل مسلسل متواضع.

خالد يوسف واعتزال الإخراج الدرامي

وفي نفس الحلقة، أكد خالد يوسف على أنه لم يعتزل الإخراج الدرامي، فقال: أنا قولت مش هعمل دراما تاني بالظروف دي، ولكن لو عندي عمل تاني فلازم يأخذ وقته، واللي قدمته في سره الباتع عملية انتحارية لأننا قعدنا 6 أشهر مش بننام عشان نعرض المسلسل في رمضان، ودا مش هيحصل مرة تانية، ولكن أي دراما أصورها على الأقل تأخذ معايا سنة.

سره الباتع والسوشيال ميديا

كما كشف المخرج خالد يوسف عن رأيه في الآراء التي انتشرت عبر مواقع التواصل الاجتماعي المختلفة، عن مسلسل سره الباتع.

وقال خالد يوسف: فيه ناس كتبت نقد سلبي جدا عن المسلسل منهم أحد النقاد المعروفين وأخدت النقد دا وحطيته على صفحتي لأنه أعجبني، ولكن أنا كانت نرفزتي من ادعاء العلم من أشخاص مشافوش وبيتكلموا من غير علم، ومذيعين بيعملوا معايا حوارات بسبب الكلام الرائج على السوشيال ميديا.

وتابع: وشخص بيقول مكنش فيه سفرة طعام في القرن الـ18، أو عربة بيجرها حصان في عصر تصوير المسلسل، أنا مش شخص تافه ولكني قارئ كويس أوي ولما بعمل حاجة بدرسها كويس جدا.

تابع موقع تحيا مصر علي