مصطفى كامل بعد ترشحه لمقعد النقابة: أحلامي الفترة الجاية هتكون أعلى

حرص الفنان مصطفى كامل على توجيه رسالة للمرشيحن على منصب نقيب الموسيقيين، وذلك بعد انتهاءه من تقديم أوراق ترشيحة للمرة الثانية على التوالي لمقعد النقيب.

تحيا مصر يرصد في ذلك التقرير أول تعليق من مصطفى كامل بعد ترشحة للنقابة 

مصطفى كامل: المرشحين كلهم أفضل من بعض واللي مفكر إنه يسرق يقعد في بيتهم

وقال مصطفى كامل عبر حسابه الرسمي بموقع التواصل الإجتماعي “فيسبوك”:  لكل زملائي المرشحين على منصب النقيب العام أو عضو مجلس الإدارة، أقسم بالله وبكتاب الله ما ليا قائمة، المرشحين كلهم أفضل من بعض واللي هييجي على الترابيزة دي هنشتغل مع بعض ولن أقبل بحد ينتفع من وراء الموسيقيين، واللي مفكر أنه يسرق يقعد في بيتهم واللي ناوي ياخد حق اليتامى من القديم والجديد هتكون سنينه سودة.

مصطفى كامل: عاوزين ناس شرفاء وأمناء على حقوق الغلابة

وأضاف: عاوزين ناس شرفاء وأمناء على حقوق الغلابة، ومش بحب الفساد ولا أنا راجل فاسد ولا هقبل بحد فاسد معايا، وأحلامي الفترة الجاية هتكون أعلى على المستوى الإداري والخدمات والموظفين والواجهات المرشحة، وبحق كتاب الله ما ليا قائمة، ومش هوصي حد على حد وكله بمجهوده وعلاقته، ومش هقدر أمسك غير كتاب ربنا وماليش قايمة وزملائكم مطروحين عليكم وتوكلوا على الله وأنا مع الله وهفضل مع الله.

مصطفى كامل: مش هقبل كلام وحش على النقابة 

واختتم حديثه، قائلا: مش هقبل كلام وحش على النقابة، ومفيش نقابة محترمة تسمح إن حد فيها يكتب عنها نقابة الفساد والعار، إزاي تكتب على بيتك كده ولا نفسك، لو شفت عار تقدم لرئيس مجلس الإدارة ولما ما يجيش حقك اعمل اللي أنت عاوزه، لكن ليه تكون قاعد فاضي وتكتب نقابة العار، ولاحقا لو ربنا ولاني الأمر ده مش هيكون مقبول، وبقرارات مجلس الدولة هناخد قرارات وهنرفع قضايا في المحاكم لأنها جريمة والدولة تجرم السب والقذف إلكترونيا.

انتخابات نقابة المهن الموسيقية

وكانت النقابة قد أعلنت عن فتح باب الترشح للانتخابات اعتبارا من اليوم "الأحد" وحتى الثلاثاء المقبل، وفتح باب التنازلات في الفترة من 18 – 20 يونيو الجاري، وفتح باب الطعون في الفترة من 25 – 27 يونيو الجاري، فيما تعلن قائمة المرشحين النهائية وكشوف الناخبين في 2 يوليو المقبل ، لتجرى الانتخابات في الأول من أغسطس المقبل والإعادة في 8 أغسطس.