حمو بيكا: مبحكيش لحد مشاكلي لأن مفيش حد هيقف جمبي.. ومراتي وش السعد عليا

كشف مؤدي المهرجانات حمو بيكا عن تفاصيل رجوعه للغناء مرة أخرى، وفترة الوقف التي مر بها، وذلك خلال لقائه اليوم ببرنامج صبايا الشمس مع الإعلامية ريهام سعيد.

تحيا مصر يرصد تفاصيل تصريحات حمو بيكا

حمو بيكا في صبايا الشمس

وقال حمو بيكا: الطلب عليا دلوقتي بقى أكتر شوية من زمان، عشان مسموحلي أغني، وفيه فرق كبير بين النقابة زمان والنقابة دلوقتي، بقى فيه نظام ولينا كلمة، وأي حد يكلمنا بنرجع لسيادة النقيب وبيجبلنا حقنا على طول، وبقا حاسس أن ليا ضهر، ومفيش زي الأول أدفع عشان تعدي.

وتابع: قعدت أربع سنين مغنيش، واتجوزت وأنا موقوف، وكنت ممنوع في مصر بس كنت بشتغل برا، ومراتي وقفت معايا وهي وش الخير ووش السعد عليا، وأنا محسستهاش بوقفي، ومكنتش بحكيلها على الوجع اللي جوا مني والمشاكل، وأنا مش بحكي لحد عن مشاكلي لأن مفيش حد هيقف جمبي، وصحابي أكلت معاهم عيش وملح ووقفت جمهم كتير بس مفيش حد وقف جمبي.

واستكمل: وانا متعودتش أزعل من حد، مش بعرف، ومش عايز يجيبلي شغل بس سؤالك عليا بالدنيا، ولا أنتو بس فالحين لما تعوزوا بيكا تسألوا عليه، ومش ندمان أني وقفت جمبهم وهستمر على كدا، بحب الخير لكل الناس عشان محدش يحطني في دماغه.

رسالة حمو بيكا لـ تامر حسني

وفي وقت سابق، حرص مطرب المهرجانات حمو بيكا على توجيه رسالة خاصة للنجم تامر حسني، بعد لقائها في حفل زفاف حسن شاكوش، وذلك خلال منشور عبر حسابه الشخصي على موقع التواصل الاجتماعي فيسبوك.

حيث نشر بيكا صورة له رفقة تامر، وعلق عليها قائلًا: صورة مع صديقي وحبيبي ونجمي المفضل تامر حسني.. تامر حسني بالنسبالي مش مجرد مغني عادي، تامر ده شخصية ملهمة لأي شاب في جيلي، تامر قدر يحقق ويكسر أرقام كتير أوي في الفترة اللي فاتت.

وتابع: لما سموه نجم الجيل مكنش صدفة لأنه هو فعلا بجد نجم الجيل، ونجمي المفضل في كل أعماله، سواء أغاني، ألحان، تمثيل، ألخ.. تامر حسني الشخصية المثالية لأي فنان وشاب في جيلنا في الوطن العربي كله.