قبل بدء الامتحانات.. حمو بيكا يدعم طلاب الثانوية العامة: العلم بيستر صاحبه

حرص مؤدي المهرجانات حمو بيكا على دعم طلاب الثانوية العامة قبل بدء الامتحانات، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات حمو بيكا عبر فيسبوك

دعم حمو بيكا لطلاب الثانوية العامة

وكتب حمو بيكا: بكرة تعتبر بداية الامتحانات النهائية للثانوية العامة، وأنا مش جاي اديك موعظة ولا جاي اعمل شيخ عليكم، بس أنا جاي أقولك أنك أد أي حاجة في الدنيا، وتعرف تعمل أي حاجة طالما عندك إصرار وحلم هتوصل يعني هتوصل.

وتابع: وإن الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه.. اتعلموا العلم حلو أوي، العلم بيستر صاحبه، أنا لو رجع بيا الزمن كنت اتعلمت وأكلت الكتب أكل.. ربنا معاكم يا رب وتحققوا كل أحلامكم.

حمو بيكا في صبايا الشمس

وسبق وأن كشف مؤدي المهرجانات حمو بيكا عن تفاصيل رجوعه للغناء مرة أخرى، وفترة الوقف التي مر بها، وذلك خلال لقائه ببرنامج صبايا الشمس مع الإعلامية ريهام سعيد.

وقال حمو بيكا: الطلب عليا دلوقتي بقى أكتر شوية من زمان، عشان مسموحلي أغني، وفيه فرق كبير بين النقابة زمان والنقابة دلوقتي، بقى فيه نظام ولينا كلمة، وأي حد يكلمنا بنرجع لسيادة النقيب وبيجبلنا حقنا على طول، وبقا حاسس أن ليا ضهر، ومفيش زي الأول أدفع عشان تعدي.

وتابع: قعدت أربع سنين مغنيش، واتجوزت وأنا موقوف، وكنت ممنوع في مصر بس كنت بشتغل برا، ومراتي وقفت معايا وهي وش الخير ووش السعد عليا، وأنا محسستهاش بوقفي، ومكنتش بحكيلها على الوجع اللي جوا مني والمشاكل، وأنا مش بحكي لحد عن مشاكلي لأن مفيش حد هيقف جمبي، وصحابي أكلت معاهم عيش وملح ووقفت جمهم كتير بس مفيش حد وقف جمبي.

خلاف حسن شاكوش وحمو بيكا

وعلى صعيد آخر، تحدث مؤدي المهرجانات حمو بيكا عن علاقته بالمطرب حسن شاكوش، وذلك خلال لقائه اليوم ببرنامج العرافة، مع الإعلامية بسمة وهبة.

حيث قال بيكا: أكون غلبان أحسن ما أكون شراني، مفيش حد يعرف يسوقني، وأنا لما بعمل حاجة بعملها من دماغي، وحسن شاكوش مغرور ومتكبر.

وتابع: حسن شاكوش كداب، أنا المدرسة اللي طلعت حسن شاكوش، حد صاحبي كلمني وأنا مكنتش أعرفه فصاحبي قالي ساعده واقف جمبه، قولتله حاضر وكلمته، هو مكنش عنده استوديو، وهو مظهرش غير معايا، والناس معرفتوش غير معايا.