بعد رسوبه ثلاث مرات.. روشتة أحمد حلمي للنجاح في الثانوية العامة

كشف الفنان المصري أحمد حلمي عن روشتة نجاحه في الثانوية العامة بعد رسوبه ثلاثة مرات متتاليه.

تحيا مصر يرصد روشتة أحمد حلمي للنجاح في الثانوية العامة.

نصيحة أحمد حلمي لطلاب الثانوية العامة 

وشارك الفنان أحمد حلمي متابعيه وجمهوره عبر حسابه الرسمي على موقع التواصل الاجتماعي "انستجرام" مقطع فيديو تضمن عددا من النصائح لطلاب الثانوية العامة.

وقال أحمد حلمي: حبايبي طلاب الثانوية العامة بنين وبنات.. ربنا معاكوا ويوفقكوا وينجحكوا .. وخدوا بالكوا طبعا ومحدش يقلع الكمامة وبلاش تجمعات.. مش عايزين ننجح في الثانويه العامة ونسقط في الكورونا.. سهيلة بنت أختي.. شدي حيلك وربنا يوفقك يارب. 

سبب رسوب أحمد حلمي في الثانوية العامة 

وأضاف أحمد حلمي :"الفيديو بخصوص امتحانات بكرة وبما أن بنتكلم عن امتحانات الثانوية العامة اعتقد مفيش حد أحسن مني يتكلم أكتر مني عن الثانوية العامة، لأني خبرة وسقطت فيها 3 سنين بس أناعايز أقولكم أني كنت في الحقيقة خايف من الامتحانات".

وتابع :"حقيقي السنة الوحيدة اللي ماسقطتش فيها هي اللي مكنتش فيها خايف من الامتحان بجد وتعاملت مع الامتحان على أنه فسفوسة... مضيعش وقتك في الرعب ووجع البطن وامتحانات الثانوية فسفوسة محدش ياخد باله منها".

تصريحات أحمد حلمي

على الصعيد الآخر، قال أحمد حلمي في تصريحات خاصة لإنرجي، إنه يدير أعماله بنفسه، وحساباته على السوشيال ميديا يعبر من خلالها عما يرغب في الحديث عنه، مع مساعدة بسيطة من شخص آخر.

وكشف أحمد حلمي سبب قلة ظهوره الإعلامي قائلا:" مفيش سبب إني أطلع انترفيوهات كثيرة.. طول ما مفيش حاجة جديدة هنقرف الناس ليه".

وأشار أحمد حلمي إلى أنه تعود على استشارة نفسه في أعماله القادمة والأفكار المطروحة عليه، موضحا أن تريند ورقصة أغنية "الحركة دي"، كانت فكرته قائلا:" كنا جايبين فريق رقصات وأنا المفروض أقلدهم واخترت أسهل حركة وجه في دماغي أقول للناس يعملوها".