مصطفى هريدي: أتمنى أشتغل مع تامر حسني.. وعادل إمام علمني أن الكاست مفهوش مجاملات

كشف الفنان مصطفى هريدي عن سبب عدم عمله مع النجم تامر حسني في أعمال فنية، وذلك خلال لقاء له ببرنامج المنسي مع الإعلامية إنجي هشام عبر قناة هي.

تحيا مصر يرصد تفاصيل تصريحات مصطفى هريدي عن تامر حسني

وقال مصطفى هريدي: السؤال ده أصعب سؤال بيتسألي وبيتسألي من الناس ده مش تقصير مني، أي مخرج أو منتج لما بيعمل كاست عارف أن اسمي بيتحط في الترشيحات  لكن في ممثلين تانية ممكن تفوز بالدور وف الأول والاخر نصيب.

مصطفى هريدي وتامر حسني

وتابع: تامر حسني أنا وهو صحاب جدا ولكن كل واحد بيفكر في شغله واتعلمت من عادل إمام أن الكاست ده مفهوش مجاملات، مش عشان احتمل حد اجيبو في دور مش دوره ولكن كل دور بينادي صاحبه.

وأعرب عن تمنيه مع الفنان تامر حسني الفترة القادمة: بتمنى اشتغل مع تامر حسني أكيد وأعتقد أنه إن شاء الله هيحصل.

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.

رفض مصطفى هريدي من كلية الشرطة 

وسبق وأن صرح الفنان مصطفى هريدي عن سبب رفضه في كلية الشرطة، وذلك في لقائه ببرنامج الستات ميعرفوش يكدبوا.

وقال مصطفى هريدي في برنامج الستات ميعرفوش يكدبوا: كان نفسي اشتغل ظابط ودخلت وقدمت في كلية الشرطة وسقطت بسبب وداني اللي كانت وش السعد عليا بعد كده، وكانت أول سنة يحطوا حاجة اسمها اذن وطواطية على إنها علامية مميزة في الظابط، فسقطت بسبب إن عندي علامة مميزة.

تعاون تامر حسني ودينا الشربيني في تاج

وكان قد أعلن تامر حسني عن تعاونه مع دينا الشربيني في فيلم تاج، حيث كتب على صفحته الرسمية بموقع فيسبوك:  النجمة الجميلة دينا الشربيني نورتي فيلمك ( تاج )  ويارب الفيلم يكمّل سلسلة نجاحاتك الكبيرة اللي كسرتي بيها الدنيا، ربنا يكرمك ويكرمنا معاكي.

وردت عليه دينا الشربيني، قائلة: تامر.. مهما اتكلمت او قلت مش هعرف اشرحلك انا سعيده اد ايه بكلامك ..انا كنت بحبك وبحترمك جدا علي المستوى الفني ودلوقتي لما عرفتك بحبك وبحترمك جدا على المستوى الشخصي.. ربنا يوفقك وينجحك اكتر واكتر  وان شاء الله تاج يكسر الدنيا زى كل اعمالك علشان المجهود الجبار اللي انت عامله فيه اللي انا  شخصيا شوفتوا بعيني.