تامر حسني يهنئ ابنته تاليا بعد حصولها على الميدالية الذهبية: بطلة مصر فخور بيكي

حرص نجم الجيل، لفنان  تامر حسني تهنئة ابنته تاليا، بعد تحقيقها المركز الأول، وحصولها على ميدالية ذهبية، في إحدى المسابقات الرياضية.

تحيا مصر يرصد تهنئة تامر حسني لابنته تاليا.

ابنة تامر حسني تفوز بالميدالية الذهبية

وكتب تامر حسني، عبر خاصية ستوري بحسابه الرسمي على موقع تبل الصور والفيديوهات القصيرة انستجرام : مبروك يا حبيبتي مبروك عليكِ المركز الأول يا بطلة مصر، فخور بيكي من كل قلبي.

وأضاف: شكرًا عشان بتسمعي كلامي وكلام ماما وبتحافظي على تمريناتك، شوفتي بقى لما اجتهدتي وتعبتي في التمارين إزاي ربنا وفقك؟، وحصلتي على المركز الأول، ربنا يحميكي ويحمي أخواتك ويحمي كل ولادنا وكل الناس.

نجاح آخر أعمال تامر حسني 

وكانت حصلت أغنية حياتنا على المركز السابع على يوتيوب، وهي من كلمات: أحمد حسن راؤول، ألحان: إسلام زكي، توزيع و مكساچ: إلهامي دهيمه - أحمد حسام، ماستر: علي فتح الله.

كلمات أغنية حياتنا لـ تامر حسني

وتقول كلمات أغنية حياتنا لـ تامر حسني:

في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص !

حياتنا عباره عن أشخاص
ما بين غاليين و حبه رخاص
في ناس بتزود الواحد 
و ناس عايشه بتاخد و خلاص
ما بين الصح و المفروض 
بنتعود على المرفوض
في كام واحد في تعبك غاب
و كام واحد فضل موجود..

في حلم بيختفي و يمشي
و وقت بيتسرق ببلاش
في واحد عاش و مافهمش
و واحد عمره لحظه ما عاش
بنجري في دايره مقفوله
و أهي قلوبنا إتهرت تعليم
و مين ضامن يعيش توهه
و يخرج منها قلبه سليم

حياتنا عباره عن أشخاص
ما بين غاليين و حبه رخاص
في ناس بتزود الواحد 
و ناس عايشه بتاخد و خلاص
ما بين الصح و المفروض 
بنتعود على المرفوض
في كام واحد في تعبك غاب
و كام واحد فضل موجود ..

في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص !

حياتنا عباره عن أشخاص
ما بين غاليين و حبه رخاص
في ناس بتزود الواحد 
و ناس عايشه بتاخد و خلاص
ما بين الصح و المفروض 
بنتعود على المرفوض
في كام واحد في تعبك غاب
و كام واحد فضل موجود..