لقطات طريفة لـ مصطفى قمر وأبطال فيلم أولاد حريم كريم من كواليس التصوير

شارك الفنان تيام مصطفى قمر الجمهور فيديو طريف لـ أبطال فيلم أولاد حريم كريم، والذي يعد الموسم الثاني من حريم كريم، الذي عرض منذ 18 عام وحقق نجاحات كبيرة خلال فترة عرضه.

تحيا مصر يرصد في ذلك التقرير لقطات طريفة لـ أبطال فيلم أولاد حريم كريم

أبطال فيلم أولاد حريم كريم

وظهر أبطال فيلم حريم كريم في الفيديو الذي شاركه تيام مصطفى قمر عبر حسابه الرسمي بموقع تبادل الصور والفيديوهات انستجرام بلقطات طريفة من خلال فيديو عبر موقع تيك توك، وعلق تيام عليه، قائلا: أولاد حريم كريم.

واحتوى الفيديو على عدد كبير من كبار النجوم منهم الفنان مصطفى قمر، والفنانة علا غانم، والفنانة داليا البحيري، فضلا عن مجموعة من الممثلين الشباب منهم الفنان تيام مصطفى قمر والفنانة رنا رئيس وأخريين.

فيلم أولاد حريم كريم 

وكان قد خرج أبطال فيلم اولاد حريم كريم للكشف عن تفاصيل العمل، وذلك خلال برنامج عرب وود، حيث قال مصطفى قمر:  “قصدنا ناخد جيل من الشباب في أولاد حريم كريم لأن البنات بيحبوا يتفرجوا على تيام وشباب كتير شايفين إن رنا رئيس ممكن تبقى فتاة أحلامهم فكان لازم نستغل ده، أولاد حريم كريم فيلم تاني بيكمل الجزء الأول لأنهم الناتج الطبيعي للحياة اللي فاتت وهما حلقة الوصل بين الحريم بكريم".

تصريحات أبطال فيلم أولاد حريم كريم

بينما قالت بشرى:  أنا بيضحكني جدا الناس اللي هي بتتكهن وبتتوقع حاجات وهما لسه ماشفوفش الفيلم، أولًا فيه شخوص رحلت عن عالمنا فبالتالي هو ملوش دور لأنه مش عايش، وفيه شخوص الدراما بعد 18 سنة، والزمن أتغير وحال الناس اتغير طبيعي حال الدراما والقصة كمان تاخد منحى مختلفى، في الأحداث الجديدة، يعني مينفعش حد توفى نصحيه مش هينفع.

وتابعت: لما بيبقى المنتج زميل أو ممثل أو فنان بيبقى حاسس أكتر بزمايله وبيبقى هما كمان عندهم حالة من الثقة في أن البعد الفني هيبقى فيه اهتمام بيه والبعد الأخلاقي اللي ورا الكاميرا، في الكواليس يبقى فيه احترام للزمالة، وأنا بشوف أن الممثل من أكتر الي لازم يهتم أنه ينتج لما يبقى عنده فرصة.

اما عن علا غانم فقالت: شايفة إن أولاد حريم كريم هيحي الجزء الأول من العمل وهيخلي اللي متفرجش عليه يتفرج عشان يشوف إحنا ماشين ازاي.