بعد الإعلان عن ظهوره في صاحبة السعادة.. عمر كمال لـ رضا البحراوي: دا مكانك من زمان

حرص المطرب عمر كمال على الإشادة بالمطرب الشعبي رضا البحراوي، بعد الإعلان عن ظهوره في برنامج صاحبة السعادة خلال أيام عيد الأضحى.

تحيا مصر يرصد تفاصيل أحدث منشورات عمر كمال عبر فيسبوك

حيث شارك عمر كمال الإعلان التشويقي لحلقة رضا البحراوي في صاحبة السعادة عبر حسابه الشخصي على موقع التواصل الاجتماعي فيسبوك، وعلق عليها قائلًا: "ده مكانك يا رضا من زمان اللي لازم تكون فيه.. ياما تعبت وياما أتسرق منك شغل وياما ناس طلعت على حس شغلك بس ربك كبير.. ربنا يكرمك ويراضيك يا رضا كمان وكمان واحنا في مصر محظوظين أن عندنا صوت زى رضا البحراوي.

عمر كمال ينتقد أفعال بعض النجوم

وسبق وأن انتقد عمر كمال بعض النجوم بدون ذكر أسماء بسبب تعاملهم السيء مع الصحفيين والمراسلين، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب: الصحفيين والمراسلين دول بني أدمين على فكرة وبيحسوا وعندهم شعور زينا ديه معلومة فايتة فنانين كتير، يبقى الفنان أو المنتج بتاعته أو مدير أعماله داعي الميديا صحافة وقنوات ومواقع يغطوا الحدث بتاعه سواء فيلم أو أغنية أو أي عمل والناس تيجى تعمل شغلها .. تلاقيهم بيعاملوهم بمنتهى قلة الأدب والذوق.

وتابع: شاب / شابة يا عيني تلاقيه جاي موصلات ولا واخد عربية على حسابه ومستني الأستاذ بالساعات وياريتهم بيجوا في مواعيدهم لازم التأخير كام ساعة عشان خاطر النجومية تظبط والكاريزما .. ويتنطط عليهم ويحرجهم وكأنهم بيتطفلوا عليه مثلا ما هما جايين عشان يساعدوك في نجاحك هما مش أعدائك !؟ اللي يحرجك أحرجه واللى يتنطط عليك سيبه وامشي أنتوا بترضى على نفسك كده ليه مش فاهم.

أخر أعمال عمر كمال

ومن الجدير بالذكر أن أخر أعمال عمر كمال فيديو كليب يا بيبي، الذي تم طرحه عبر قناته الرسمية على موقع الفيديوهات العالمي يوتيوب، يوم 3 من شهر يونيو الجاري، وقد حقق الكليب منذ طرحه وحتى الآن أكثر من 3 مليون مشاهدة، وهو من كلمات عمرو قطب، ألحان خالد سلطان، ومكس وماستر محمد جودة.