دومينيك حوراني: كل ما أتعرف على حد يفهمني غلط

تحدثت الفنانة دومينيك حوراني عن سوء فهم الاشخاص لها في العديد من المواقف، وبررت أفعالها، وذلك في فيديو عبر حسابها بموقع تبادل الصور والفيديوهات انستجرام.

تحيا مصر يرصد لكم تصريحات دومينيك حوراني

وقالت الفنانة اللبنانية دومينيك حوراني في الفيديو التي نشرته عبر حسابها: ليه كل ما أتعرف على حد يفهمني غلط، وبكون قاصدة إنه يفهم حاجة وبيفهم حاجة تانية، وباخد وقت عشان أفهمه قصدي الصح.

تصريحات دومينيك حوراني

ومن جانب آخر، كانت قد حلت الفنانة دومينيك حوراني ضيفة على برنامج أنا سعيد والذي يقدمه الإعلامي سعيد جميل ويعرض عبر قلة القاهرة والناس، وتحدثت دومينيك عن الرجل المصري وغازلته، كما تحدثت عن البرامج الاجتماعية النسائية، وجاءت أبرز تصريحاتها كالآتي:

-الراجل هو عمود البيت واللي شايل كل حاجة، ويعمل كل طلبات الست، وهو يعمل كل حاجة هي نفسها فيها.

-الراجل اتولد عشان يسعد الست اللي معاه وهو يعطي حقوقها وبعدين يأخذ كل للي هو عايزه، وبعدها مش هيشوف أي نكد خالص.

-الرجل لازم يرفع من مستوى حياة الست وبعدين يطلب اللي هو عايزه.

- الراجل المصري عسل وبيقول كلام زي الفل، وهو بيعلي الست وبيرفع شأنها وحبه ليها بيترجمه بمساعدتها، وبيوصلها للي هي عايزاه.

-الراجل النكدي هدلعه وأبوسه وفي ثانية أخليه يفك والراجل أصلا محتاج دلع وحنان وخلاص، الكتالوج بتاعه سهل جدا.

-الراجل اللي بيرتبط بسيدتين في نفس الوقت مش هحترمه، وهيبقى نصاب، مجنون، فيه حاجة مش طبيعية وهيعلن إفلاسه قريبا، ومش هيبات في البيت هي كفاية واحدة.

-البرامج الاجتماعية النسائية في كام واحده معقدين نفسيا طالعين بيحاربوا الستات عشان ياخدوا اللقطة وفيها تحريض وبيبوظوا المجتمعات.

- الست مش واخدة حقها وشأنها في المجتمع احنا مظلومين وكمان مش عندنا رجالة كافية ومش لاقيين رجالة.

دومينيك حوراني: بحب السينما أكتر من الدراما

وعلى الصعيد الآخر، كانت قد كشفت الفنانة دومينيك حوراني عن حبها للقيام بالأعمال السينمائية أكثر من الأعمال الدرامية، وقالت دومينيك في تصريح خاص لموقع تحيا مصر: أنا بحب أمثل في السينما اكتر لأنها سريعة وبتخلص بسرعة على عكس المسلسلات الدرامية.

دومينيك حوراني: نفسي أمثل مع أحمد عز

كما تحدثت دومينيك عن أكثر ممثل تتمنى أن تشاركه في عمل درامي وقالت: أنا نفسي أمثل مع الفنان أحمد عز والفنان أحمد السقا وأكيد نفسي أمثل مع الفنان تامر حسني.