عمرو مصطفى: غناء لأطفال "علمونا في مدرستنا" ده أكبر نجاح وبشرة خير حققت 20 مليون جنيه

حل الفنان عمرو مصطفى ضيفًا على الإعلامية إيمان الحصري في برنامج مساء dmc، محتفلا بالذكرى العاشرة لثورة 30 يونيو، وصناعته لـ 100 أغنية وطنية، وكاشفا عن عدد من التصريحات الخاصة بـ أغنياته الوطنية.

تحيا مصر يرصد في ذلك التقرير تصريحات عمرو مصطفى مع إيمان الحصري

عمرو مصطفى: أغنية بشرة خير عاملة 20 مليون جنيه على اليوتيوب

قال عمرو مصطفى خلال الحلقة: مكنتش عايز أعمل تنازل لأغنية بشرة خير، وحسين الجسمي قال سوري مش هعملها غير لما يكون فيه تنازل، والأغنية عاملة عنده 650 ألف دولار يوتيوب فقط أي حوالي 20 مليون جنيه، ده غير المنصات التانية.

وأضاف: تعبت نفسيا بسبب كده 3 سنين واكتئبت؛ لأن حقوقي اتاخدت غصب عني، مش هعمل كده تاني مستحيل، والناس بتتصدم مني عشان صريح أوي وأوقات بيخوني التعبير بالانفعال والعصبية وبحاول أهدي نفسي على قد ما أقدر هديت شوية كتير.

عمرو مصطفى: مش بسيب أي مغني غير اما يغني بنفس الباور بتاعي

وتحدث عمرو مصطفى عن نجاح أغانيه الوطنية فقال: الأغنية بتوصل للناس لما يكون مُبدعها مؤمن بيها، والأغاني الوطنية عشان تبقى تريند لازم تكون صادقة جدا، لما بشوف الأطفال بيغنوا "علمونا في مدرستنا" في المدارس ده أكبر نجاح في العالم.

وأردف: مبسيبش أي مغني غير لما يغني زيي، وبنفس الباور بتاعي، وقعدت ساعة ونص عشان آمال ماهر تقول عُربة معينة في أغنية يا مصريين.

عمرو مصطفى وأغنيته الوطنية

من ناحية أخرى، طرح الفنان عمرو مصطفى أحدث أعماله الغنائية بمناسبة ثورة 30 يونيو، جاءت بعنوان “بلادي”، وهي من  كلمات الشاعر أمير طعيمة وألحان عمرو مصطفى، وأداء عمرو مصطفى، وتقول كلمات الأغنية: بلادي يا قوية ومنك قوتي أنا قد المسئولية وقد كلمتي أنا منك وليكي واللي لحظة هيعاديكي هدفنه يا بلدي فيكي لو يقرب مننا بلاي ياللي أغلى عندي من حياتي من ولادي ياللي كل مرة تحتاجيني أو تنادي ولما تؤمري أنا بلبي النداء.