أحمد جمال يطرح أغنية أنا اشتريت على اليوتيوب.. تعرف على كلماتها

طرح الفنان أحمد جمال أغنيته الجديدة والتي جاءت باسم "أنا اشتريت" وذلك عبر قناته بموقع الفيديوهات العالمي يوتيوب.

تحيا مصر يرصد لكم أغنية أحمد جمال الجديدة 

أغنية أنا أشتريت

وروج أحمد جمال للأغنية عبر حسابه بموقع تبادل الصور والفيديوهات انستجرام: جديد أنا اشتريت .. أغنيتي الجديدة تقدروا تسمعوها دلوقتي على يوتيوب من اللينك الموجود في ال bio.

كلمات الأغنية

خد قلبي و هات اللي تجيبه
ده كفايه انك تبقي حبيبه
و يابخته يا حظه و يا هناه 
اللي انت هتبقي من نصيبه

خد عيني اخطفها وسهرها 
ف عنيك الدنيا ومحورها 
وطبيعي ان الحاجه الحلوه 
بتقع في ايد اللي يقدرها

انا اشتريت 
لا بصراحه انا حبيت 
قلبي اتعملو update ولقيت نفسي معاك

انا اشتريت 
لا ده انا بيك استكفيت
كنت بدور لفيت و مشيت خطوة خطوة وراك

انت لقطه بجد متتسابش 
لو سيبتك اخسر ماكسبش 
عيني شايفاك حلو وكامل مع ان الحلو مايكملش

انت فرصه انت متتعوضش 
نسخه واحده انت ماتكررش 
اي حاجه عادي ممكن تحصل بس انت جمالك محصلش

هات حتة من قلبك ليا 
هاتها و سيب الباقي ليا 
لو كانت حنيتك زايدة 
هات حبة انا محتاج حنية

خد وقتك فكر و ارجعلي 
ده انا شايفك دايب و واقعلي 
عارف قيمتك عمال تتقل 
و انا عارف انك جاي تبيعلي

أحمد جمال في حفل افتتاح بطولة أمم أفريقيا للشباب

وفي وقت سابق، كان قد أحيا المطرب أحمد جمال حفل افتتاح بطولة أمم افريقيا للشباب تحت 20 سنة، وأعرب عن سعادته البالغة لإحيائه هذا الحفل.

و علق على احياءه حفل افتتاح بطولة أمم افريقيا للشباب تحت 20 سنة، التي أقيمت، باستاد القاهرة وافتتحت البطولة بمباراة منتخبي مصر وموزمبيق، ونشر جمال، صورا من الحفل، عبر حسابه الشخصي على موقع التواصل الاجتماعي إنستجرام، وعلق: من حفل افتتاح بطولة الأمم الافريقية تحت ٢٠ سنة.. استاد القاهرة الدولي.. بالتوفيق لمنتخبنا الوطني للشباب ولكل المنتخبات المشاركة.

وأحيا الفنان أحمد جمال، حفل افتتاح بطولة أمم إفريقيا للشباب وسط حضور عدد كبير من الجمهور، وقدم عدد كبير من أغانيه القديمة والجديدة.