خالد الصاوي: بخلي بالي من صحتي وبتمرن عشان مش عايز أعجز

كشف الفنان خالد الصاوي عن اتجاهه في الفترة الأخيرة إلى ممارسة عادات صحية سليمة، وذلك خلال لقاء له ببرنامج مساء دي إم سي مع الإعلامي رامي رضوان.

تحيا مصر يرصد تفاصيل تصريحات خالد الصاوي في مساء دي إم سي

تصريحات خالد الصاوي في مساء دي إم سي

وقال خالد الصاوي: أنا هخلي بالي من صحتي، ولو تعبت هبقى تعبت عشان بشتغل، مش عشان أي حاجة تانية، وأنا مش هعمل حاجة تخليني أجي على صحتي لأسباب خارجة عن الشغل أو القدر، وبعمل تغييرات في حياتي إن شاء الله هتبان، بتمرن وبنام كويس.

وتابع: وأحيانا لما بتعمل تغييرات كبيرة زي تقلل القهوة مثلا مع سجاير أقل أملا في أنك تبطلها خالص، نومك هيضرب.. وأنا انتبهت للحتة دي، وممكن أسهر وأتعب في الشغل، لكن مش برا الشغل، وبتمرن عشان مش عايز أعجز.

خالد الصاوي: ممرتش بأزمة منتصف العمر

وعلى صعيد آخر، تحدث الفنان خالد الصاوي عن مروره بتجربة أزمة منتصف العمر، كما كشف عن شخصيته في مسلسل مذاكرت زوج والذي تم عرضه في السباق الرمضاني الماضي.

وقال خالد الصاوي خلال لقائه في برنامج the insider: معتقدش أني ممرتش بأزمة منتصف العمر، أنا سني 59 على الورق بس من جوايا عندي 16 سنة وبتخض كل ما ابص في المرآية وألقي دقني بيضا.

وتابعت: معرفش أنا عديت بمنتصف العمر لأن أنا طول عمري عندي الجنان الشخصي وانا فاهمها في حالة طارق عشان بيدور الشخصية عليه.

وتابع:  طارق لطفي عاقل جدًا  وتقدري تشوفي تطور الراجل سنة بعد سنة  من خلاله وهو عامل الشخصية كويس  جدًا.

أخر أعمال خالد الصاوي

ومن الجدير بالذكر أن أخر أعمال الفنان خالد الصاوي مسلسل جت سليمة، من بطولة دنيا سمير غانم، محمد سلام، خالد الصاوي، هالة فاخر، سامي مغاوري، محمد ثروت، بيومي فؤاد، غادةطلعت وعدد آخر من الفنانين، وتأليف كريم يوسف وسامح جمال، وإخراج إسلام خيرى، و من مكون من 15 حلقة. 

وعلى نفس الصعيد، كشف الفنان خالد الصاوي عن شخصيه في مسلسل جت سليمة والذي يقوم ببطولته الفنانة دنيا سمير غانم، وذلك في السباق الرمضاني المقبل 2023.

وكشف خالد الصاوي عن تعاونه مع الفنانة دنيا سمير غانم وقال خالد الصاوي خلال لقائه في برنامج the insider: اشتغلت مع دنيا سمير غانم في فيلم كباريه وفيلم الفرح بس مكنش في أي مشاهد بينا، والشغل في مسلسل جت سليمة هيجمعنا مشاهد كتير وفي علاقة حميمية بينا.