سارة نخلة: مينفعش نجمة بحجم حورية فرغلي تطلع تقولك منعوني من التبني

انتقدت الفنانة ومقدمة البرامج سارة نخلة  تصريحات الفنانة حورية فرغلي بشأن استئصال الرحم وعدم قدرتها على الانجاب ورفض طلبها في تبني طفل بسبب عدم زواجها.

تحيا مصر يرصد انتقاد سارة نخلة للفنانة حورية فرغلي. 

انتقاد سارة نخلة للفنانة حورية فرغلي

وقالت سارة نخلة خلال برنامجها فيس أوف على شاشة قناة هي: "في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية".

تصريحات سارة نخلة 

وتابعت: القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل ف هيحصل".

برنامج Face off

يذاع برنامج “  FACE OFF” الذي تقدمه سارة نخلة عى شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.

على الصعيد الآخر، كانت قالت سارة نخلة خلال برنامجها فيس أوف" الذي يعرض على شاشة قناة هي، وقالت: تصريحات رانيا يوسف كلها صح، وعجبتني لأن احنا كل يوم مش هنلاقي صاحبة زي رانيا يوسف وافتكرت مواقف كتير بتحصل في حياتنا وحاجات ممكن يكون المصدر بتاعها كلام ربنا وكلام دين عشان نعرف أن كل ده صح.

وتابعت: البيوت أسرار عشان لما تقعدي مع صاحبتك وكنتي زعلانة من جوزك متقوليش أنا زعلانه منه  عشان كذا وصاحبتك بقت عارفة نقاط ضعف جوزك وقوته وشوفنا كتير لما واحدة تخطف جوز صاحبتها.

واستكملت: 90% من الرجالة عينهم زايغة والراجل لو ملاقش سكة مفتوحة من الست مش هيتكلم والعيب أن دي صاحبتك.

وأضافت: نصيحة مني حافظي على أسرار بيتك وجوزك ومفيش حد يعرف اسرار بيتك ولا صاحبتك ولا أهلك ولو زعلانه ومضايقة روحي الجيم او اخرجي ومطلعيش اسرار بيتك بره.