عاجل
الثلاثاء 25 يونيو 2024 الموافق 19 ذو الحجة 1445
رئيس التحرير
عمرو الديب

عشان 150 جنيه.. عدموه العافية ولفوه في بطانية ورموه بالمصرف بـ الدقهلية | فيديو

زوجة المجني عليه
زوجة المجني عليه وشقيقته

شعبان عامل في المحارة في الدقهلية، يعمل باليومية وكان مديون بمبلغ مالي 150 جنيه لأحد الأشخاص الذين يعمل لديهم، حتى قام ذلك الشخص بإحضار ثلاثة اشخاص للتعدي عليه، ثم قاموا بلفه في بطانية وألقوه في المياه.

قصة شعبان ضحية الدقهلية

وقالت شقيقته لـ تحيا مصر، لقيت أتنين رجالة جاين البيت بيقولي تعالي خدي أخوكي في ناس ضربوه ورموه في بطانية وكل حتة في جسمه بتجيب دم، وحاولت أحركه لقيته بيتوجع، واللي كان ضربه ناس مش في وعيها وشاربين مخدرات ومن الضرب واضح أنهم مكنوش واعين بيعملوا ايه.

وقالت شقيق شعبان «أخويا بيتشغل معاه ناس، واحد منهم كان ليه يومية 150 جنيه، وقال لأخويا أنا عايز اليومية ومش هشتغل معاك تاني، أخويا قاله طيب لما أخد فلوس الشغلانة هديك اليومية بتاعتك، وبعدها جه لأخويا البيت وقاله عايز الفلوس وأخويا قاله تعالى بكرة بعد العشاء خدها، لكن فضل يتخانق معاه والجيران قالت له أمشي وتعالى إحنا هنديك الفلوس».

شقيقة شعبان: كسروه عشان خاطر 150 جنيه

وتابعت السيدة شقيقة شعبان ضحية الدقهلية «بعدها بكام يوم لقيت ناس جاية البيت تقولي تعالى خدي أخوكي مضروب على الطريق الزراعي، وروحت الساعة 10.30 بالليل في طريق مقطوع بيوصل لقرية طنبول، لقيته ملفوف في بطانية ومضروب ومرمي في المصرف، وطلعوا الجثة ولقيته متبهدل ولسه فيه الروح، وجيت أمسكه لقيته بيتوجع ومش قادر يتحرك».

وأضافت شقيقة شعبان ضحية الدقهلية «كل ده عشان خاطر 150 جنيه، واحد فيهم قال لأخويا تعالى عايزك في شغل، وأخويا راح معاه وركب وراه على الموتوسيكل، وأول ما وصل في طريق زراعي عند المدرسة الإعدادية في ميت غراب، لقى ناس واقفة في الشارع قال للتاني دوس بنزين عشان نجري لقاه طفي النور والعيال ضربته والتاني خد الموتوسيكل وجري».

زوجة شعبان: عندنا عيال وإيجار ومش عارفة أجيب منين

وأختتمت شقيقة شعبان قائلة «ضربوه وأفتكروه مات لما أغمى عليه لفوه في بطانية ورموه في المصرف، وسابوه وجريوا وبعدين لما روحت لقيته بيتوجع وديته المستشفى وبلغت الشرطة وأتقبض على واحد منهم».

وأكملت زوجة المجني عليه شعبان ضحية الدقهلية «أنا جوزي أضرب في كل حتة ومبقاش عارف يشتغل، هيصرف علينا إزاي عندنا إيجار وعندنا بنتين وولد هنعمل إيه دلوقتي، وهو مبقاش عارف يجيب قرش ولا يصرف علينا».

تابع موقع تحيا مصر علي