فيفي عبده عن تصرفات شيرين عبد الوهاب: متقصدش وبتتراجع

حرصت الفنانة فيفي عبده التعليق على الانتقادات التي توجه للفنانة شيرين عبد الوهاب بسبب بعض تصرفاتها العفوية، وذلك خلال لقاء لها ببرنامج ET بالعربي.

تحيا مصر يرصد تفاصيل تصريحات فيفي عبده عن شيرين عبد الوهاب

فيفي عبده وشيرين عبد الوهاب

وقالت فيفي عبده: هو الفنان دا مش بني آدم؟.. هو أنت ليه عايز تقول أن الفنان دا مش من حقه يعمل أي حاجة.. ازاي؟.. يعني أنا لو دمي خفيف وبهزر مع الجمهور وطلع منها لفظ من غير ما تقصد، وهي بتتراجع وجمهورها بيقولها، احنا بنحب جمهورها، وزي ما بيقول الجمهور احنا ماشيين وراه.

وتابعت: لكن احنا بردو بشر وبني آدمين، ومن حقنا الناس تشوف حياتنا العادية، وكلامنا العادي، ومش لازم نبروز الكلام، والموضوع اختلف تماما عن ما كنا زمان.

اعتذار فيفي عبده عن مسلسل أخر الزمن 

وسبق وأن أعلنت الفنانة فيفي عبده اعتذارها عن المشاركة في مسلسل “أخر الزمن” الذي كان من المقرر عرضه على شاشة التلفزيون في السباق الرمضاني الماضي، وذلك من خلال منشور عبر حسابها الشخصي على موقع تبادل الصور والفيديوهات “إنستجرام”.

حيث نشرت فيفي مقطع فيديو لها، وقالت فيه: “يا مساء الورد والفل والياسمين والهنا من مصر أم الدنيا، أنا طلعت قولتلكوا أني مضيت مسلسل أخر الزمن، بس أنا دلوقتي طالعة أقولكم أني اعتذرت عنه عشان خاطر وقتي ضيق جدا، ومقدرش طبعا أعمل حاجة ومفيش وقت خالص”.

وتابعت: “فبقولكم كل سنة وأنتم طيبين وإن شاء الله نعمل حاجة برا رمضان أو في رمضان برنامج أو حاجة زي كدا، وإن شاء الله الأيام جاية كتير، وبالتوفيق لكل الناس اللي بتشتغل دلوقتي”.

تصريحات شيرين عبد الوهاب في ET بالعربي

وعلى صعيد آخر، أكدت الفنانة شيرين عبد الوهاب على أنها لم تخسر حسابتها عبر مواقع التواصل الاجتماعي المختلفة، مشيرة إلى أنها معطلة بسبب عدة مشاكل إدارية.

وقالت شيرين عبد الوهاب في لقائها ببرنامج ET بالعربي: أنا مخسرتش السوشيال ميديا بتاعتي بس فيه شوية حاجات كدا إدارية بتخلص، وإن شاء الله هترجع السوشيال ميديا بتاعتي، وأي سوشيال ميديا بتاعت أي حد بعتبرها بتاعتي.