خطيبة الراحل هيثم أحمد زكي تتألق في مسلسل ليه لأ 3

تألقت إنجي سلامة خطيبة الفنان الراحل هيثم أحمد زكي، في مسلسل ليه لأ 3 بطوبة النجمة نيللي كريم والذي يُعرض حاليًا على منصة شاهد الإلكترونية.

تحيا مصر يرصد تألق خطيبة هيثم أحمد زكي في مسلسل ليه لأ 3.

شخصية إنجي سلامة في ليه لأ 3

وجسدت إنجي سلامة في الحلقة الـ13 من مسلسل ليه لأ 3،  شخصية فتاة تدعى سهيلة، تطلب مساعدة الطبيب البيطري كريم خطيب نيللي لمساعدتها في إنقاذ كلاب تعرضت لتسمم مفاجئ.

أزمة مسلسل ليه لأ 3

وكان علق محمد علي رزق على أزمة مسلسل ليه لأ 3 ونشر محمد علي رزق مقطع فيديو عبر حسابه الشخصي على موقع تبادل الصور والفيديوهات القصيرة إنستجرام، وقال: بعد بيان النقابة، أنا قررت انسحب من الصورة تمامًا؛ لأن النقابة مشكورة طلعت البيان بتستنكر اللي حصل وبتهيب الشركة إنها تعتذر عن الخطأ وتحذف المشاهد، صحيت من النوم لقيت رسائل إني ضد حرية الإبداع وضد حرية الرأي وإن دي شخصيات درامية وإن ده كلام بيتقال على لسان شخصية درامية مش كلام في الشارع عشان ناخد ضده إجراء.

تعليق محمد علي رزق على مسلسل ليه لأ 3 

وتابع: وناس كتير قالتلي إن زي ما كان عندك الشجاعة وطلعت وطلبت من الناس تعتذر وصححت المعلومة الغلط اللي في المشهد لازم يكون عندك الشجاعة عشان خاطر تمنع تأييد الحريات، تمام يا جماعة مش هكابر أنا ضد تقييد الحريات وعايز أعيد وأكرر معلومة إني من جمهور مسلسل ليه لأ وقولتها في البوست والفيديو الأولاني ومعنديش مشكلة مع العمل نهائيًا أنا عندي مشكلة مع معلومة غلط.

وأضاف: إحنا مش كلية نظرية يا أساتذة، إحنا كلية عملية، الشركة مشكورة وناس محترمين وورشة سرد وطلعوا بيان بيعتذروا فيه وبيقولوا إنهم بيفرقوا بين التجربة النظرية والتجربة العملية، آداب مسرح نظرية والأكاديمية تجربة عملية، أنا بردو بصحح المعلومة اللي في البيان يا فندم إحنا كلية عملية بندرس نفس مواد أكاديمية فنون وبندرس تعبير حركي ومناهج إخراج وفوكاليز ونوتة وكل المواد اللي بيتم تدريسها في أكاديمية الفنون بيتم تدريسها في آداب مسرح في جميع أنحاء مصر."