أوس أوس: مش هخوض البطولة المطلقة دلوقتي لأني هكون بأذي نفسي

حل الفنان أوس أوس ضيف على برنامج الحكاية الذي يقدمه الإعلامي عمرو أديب عبر فضائية Mbc مصر.

تحيا مصر يرصد تصريحات أوس أوس. 

تصريحات أوس أوس

وقال أوس أوس: بإذن الله هشتغل على خطوة جديد في السينما، ولو عملت مسلسل هيبقى 10 حلقات، والأهم بالنسبالي في حياتي السينما، ومحتاج أشتغل 20 سنة ورا بعض علشان أوصل لبيومي فؤاد.

وتابع: لسه ببتدى ومش في حساباتي البطولة، أحسن حد في جيلنا هو علي ربيع في مسرح مصر، وسبقنا في الخطوة، لكن إحنا محتاجين لسه شوية.

أوس أوس في برنامج الحكاية

وأضاف: فيلم مستر إكس قعدنا سنة شغالين على الورق وعلى كل مشهد، فـ لما جينا نصور بقينا مش بنعدل حاجة، مجرد شوية إفيهات ممكن تتضاف بس، فـ ده فادنا جدًا عشان الشغل أصلا جاهز على الورق، وبقالنا كتير مش بنعمل أعمال كوميدية كبيرة، ومستر إكس فيلم مصروف عليه فعلا.

فيلم مستر اكس بطولة أوس أوس 

فيلم "مستر إكس" بطولة أحمد فهمى، هنا الزاهد، أوس أوس، بيومى فؤاد، محمد أنور، محمود حافظ، رحاب الجمل، أمير شاهين، العمل قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب وتدور أحداثه حول أحمد فهمى الذي يمتلك شركة يساعد من خلالها الرجال لكي يطلقوا زوجاتهم، والمحافظة على حقوقهم.

من جانبه، أكد الفنان محمد أسامة أوس أوس، أن الفن ليس أمانا بالنسبة له ولكثيرين غيره من الوسط الفني، قائلا: "كل الناس عارفة إن الفن مش أمان ويقوم فوق وبكره تحت وبتعيش مواقف كتير ولو كفنان لم تؤمن نفسك متضمنش الظروف بكره فيها إيه".

وأشار أوس اوس، خلال حوار ببرنامج "حبر سري"، مع الإعلامية أسما إبراهيم، على قناة القاهرة والناس، إلى أنه خاض تجربة مشروع وهو صديقه الفنان مصطفى خاطر وفتحوا مطعما، ولكن المشروع لم ينجح، مضيفا: "أنا وخاطر من 3 سنين فتحنا مطعما وخسرنا وقفلنا تاني وحصل مشاكل كتير".

وأوضح الفنان أوس أوس، أنهم يرون أن موضوع مشروع المطعم غير متخصصين فيه لذلك أنهوا المشروع، متابعا: "المشروع مش بتاعتنا ولا قصتنا وكان هيخسر أكتر لو استمريت فيه فقررنا وقفلناه".