عندي فيلم نفسي شيرين تعمله بس كبرت عليه وموافق أشارك مع محمد رمضان بدور صغير.. تصريحات محمد الشقنقيري

فجر الفنان محمد شقنقيري عدة تصريحات خلال حواره مع الإعلامية انجي هشام في برنامج المنسي عبر قناة هي.

تحيا مصر يرصد تصريحات محمد الشقنقيري. 

تصريحات محمد الشقنقيري

وقال عن المطربات التي يتمنى تكرار تجربة الإنتاج معهم قائلا :'  لو هجربها هجربها لأنغام تاني طبعا ، وشيرين عبد الوهاب أنا عندي فيلم أنا اللي كاتبه وكان نفسي شيرين هي اللي تعمله بصراحة بس هي كبرت على الدور، لكن عندنا أنغام وعندنا أمال ماهر أنا شايف انها برضو لازم تمثل.

وتابع: خلي بالك انغام أنا اللي اقنعتها هي كانت رافضة تماما، وأمال أنا نفسي أنها تمثل وهقولك على روبي أنا اللي قولتلها لازم تمثلي.

واستطرد:' روبي قبل ما تمثل خالص سجن النسا كان عندها حاجة مع العدل جروب وانا اللي قولتلها لازم تمثلي امكانياتك كممثلة كويسة جدا، بس انا لو هكرر التجربة دلوقتي هكررها لأنغام.

محمد الشقنقيري في برنامج المنسي

واستكمل :' محمد رمضان ممكن اشارك معاه بدور صغير وانا بحب محمد رمضان محمد مظلوم هي منظومة الإنتاج حطاه في حته كده لكن ممثل كويس وعمرو سعد ممثل كويس جدا".

وأضاف خلال حواره مع الاعلامية انجي هشام في برنامج المنسي عبر قناة هي:'  محمد مهتم بكل حاجه فبالتالي لما هتعملي حاجه مش هتكون حاجه وتعدي وللاسف مشوفتش جعفر العمدة بسبب اني كنت مسافر لكن سمعت أنه نجح جدا".

وعن ذكرياته مع الفنان سعيد صالح وفاروق الفيشاوي والفنان محمود عبد العزيز قال:'التلاتة أستاذة استاذ فاروق خفه الدم ونكت ٢٤ ساعه الله يرحمه ، استاذ سعيد صالح الجدعنه ومش هزار لو قعده وحاسس انك محتاجه ١٠٠ جنية وهو مش معاه غير ال١٠٠ هيدهالك وهو رزقه على الله، استاذ محمود عبد العزيز مؤرخ.

مواعيد برنامج المنسي

جدير بالذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.